اسلام آباد۔ 21جنوری (اے پی پی) الیکشن کمیشن نا تعیناتی کن جوڑ خصوصی پارلیمانی کمیٹی چیف الیکشن کمشنر نا منصب کن سکندر سلطان راجہ نا پن آ امنا کرینے۔ کمیٹی نا دیوان سے شنبے نادے آ پارلیمنٹ ہاؤس اٹی کمیٹی نا چیئرپرسن بنجائی وزیر ڈاکٹر شیریں مزواری نا کماشی ٹی مس ہراٹی کمیٹی نا باسک آک بشخ ہلکر۔ دیوان آن پد ڈاکٹر شیریں مزاری میڈیا نا نمائندہ غاتون گپ و تران کرسا پارے کہ چیف الیکشن کمشنر نا منصب کن سکندر سلطان راجہ، سندھ آن الیکشن کمیشن نا باسک نثار درانی و بلوچستان آن الیکشن کمیشن نا باسک شاہ محمود جتوئی نا پن آ امنا مسنے۔ اوپارے کہ ہر مسٹ آ پن تیا امنائی سلاہ اٹ فیصلہ کننگانے۔ پارلیمانی ہرا فیصلہ ءِ کرینے او ستاکڑزک، ہنداروایت ءِ ہلسا مون آ کانہ۔ ڈاکٹر شیریں مزاری پارے کہ دا پن تے اینو(سے شنبے) نادے آ وزیراعظم آ گدریفنگک۔
