نُت انا تنکی چٹا، منہ دے اٹی حالیت آک مست آنبار مریرہ، ہمایوں اختر

لاہور۔ 21جنوری (اے پی پی) پاکستان تحریک انصاف نا سینئر بنجائی راہشون و مسکوہی بنجائی وزیر ہمایوں اختر خان پارینے کہ نت انا تنکی چٹانے و منہ دے اٹی حالیت آک مست آنبار مریرہ، تنکی نا سوب آتا جاچ ءِ ہلنگ انگءِ و اوکان پد گچین پالیسی اس جوڑ کننگک، نن ہندن ءُ زرگزرا ن اسے کن کوشست کننگ اُن ہراڑان سوگو ہائی گروتھ ریٹ اس بننگ کے و پاکستان ءِ وار وار آ آئی ایم ایف آ ہنوئی تمپ، حکومت گروتھ ءِ ودفنگ تون تینا کچ ءِ ودفنگ آہم چکار کننگ ءِ۔ داخیال آتا درشانی ءِ او تینا دفتر اٹی اوڑدہی کن بروک آ پارٹی راہشون و صنعت کار آتا ڈل اتون گپ و تران کرسا کرے، اوپارے کہ نت انا تنکی مون آ بننگ آ اودے چٹفنگ کن ہروڑ گام گیج چست کننگانے و دانا مون ءِ توننگانے، و منہ دے اٹی حالیت آک مست آنبار مریرہ۔ مچ آ حالیت آتا جاچ ءِ ہلنگ انگ ءِ و آخبت اٹ دانا سدباب کن گچین ءُ پالیسی اس جوڑ کننگک، اوپارے کہ وزیراعظم عمران خان نا سرتوڑ کو شست ءِ کہ ننے فیکچرنگ نا پہیہ ءِ دُوارہ چلیفوئیءِ انتئے کہ ریونیو و نوکری ہنداڑان بریک، داڑتون رئیل اسٹیٹ و سیل و سوات آ چکار کننگ انگ ءِ، ننا اسٹرکچر ہندن ءِ کہ گروتھ ودنگ نا حالیت اٹ اوڑان فائدہ ہرفنگ نا استعداد اف و تدوک آ کیہی سال آن داڑاہچ ءُ کاریم اس متنے، ساڑی حکومت داڑاہم کاریم کننگ ءِ، ہراڑان معاشی شونداری آن فائدہ ہرفنگ مریک، نن ویلیو ایڈ ڈایکسپورٹ نا کنڈاکانہ انتئے کہ بیست ءُ پنچ سال آن ٹیکنالوجی کانٹینٹ اس تینا کننگ تنے ہرانا سوب آن نن جہانی منڈی تیٹی مقابلہ ٹی پدی اُن، اوپارے کہ اپوزیشن است جم مرے اونا است خواہیک پورو مفسہ و ملک بروک آ سال تے ٹی معاشی وڑاٹ ٹیک آف نا پوزیشن اٹ مریک۔