اقتصادی رابطہ کمیٹی ءِ یوریا ءِ گونی ءِ سرءَ جتگیں جی آئی ڈی سی ہلا س کنگءِ فیصلہ
اسلام آباد۔20جنوری (اے پی پی) مزن وزیر عمران خان ءِ پنت ء ُ شون ءِ سرءَ اقتصادی رابطہ کمیٹی ءَ یوریا ءِ گونی ءِ سرءَ جی آئی ڈی سی ہلاس کنگءِ فیصلہ کتگ کہ ایشی ءَ چہ یوریاءِ نیادءَ 20درسد ءِ کمی کیئت۔ مزن وزیر کارگسءِ نیمگءَ چہ جاری بیانءِ ردءَ دوشمبے ءِ روچءَ مزن وزیر عمران خانءَ گوں نیشنل فوڈ سکیورٹیءِ بنجاہی وزیر مخدوم خسروبختیار ء ُ بیپاری صلہ کار عبدلرزاق داؤد ءَ گندء ُ نندکتگ۔ مزن وزیر عمران خان ءَ را ھال دیئگ بوتگ کہ آئیءِ پنتء ُ شون ءِ ردءَ اقتصادی رابطہ کمیٹی ءَ دھکانی پائدگ ءَ را چا راِتگء ُ یوریاءِ گونیءِ سرءَ جی آئی ڈی سی ہلاس کنگءِ فیصلہ کتگ۔
