اسلام آباد۔ 20 جنوری (اے پی پی) مزن وزیر عمران خان 21ءَ چہ 23جنوری ءَ تاں سوئٹزر لینڈ ءِ شہر ڈیوس ءَ برجم داشتگیں میاں اوستمانی فورم ءَ بھر زوری کنت انت۔ میاں اوستمانی اقتصادء فورم ءِ جوڑیشتکار ءُُ انتظامی چیئرمین کلازشواب ءَ مزن وزیر ءَ را میاں اوستمانی فورم ءِ ھمک سالی دیوان ءِ تہ ءَ بھر زوری ءِ دعوت داتگ۔ اے سال فورم ءِ بن گپ، ’سٹیک ہولڈر برائے مھکمیں دیمروئی کنوکیں دگنیا“ گیشینگ بوتگ۔ گوزوکیں سال ءَ اے دیوان میاں اوستمانی اقتصادی فورم ءِ 50 سالی سالروچ ءِ موہ ءَ برجم دارگ بوھگ ءَ انت۔ فورم ءَ گوں سیاسی سروک، بزنس ایگزیکٹو، میاں اوستمانی ادارگ آنی سروک ءُُ سول سوسائٹی ءِ سروک استیں زمانگ ءُ وھد ءِ اقتصادی، جیوپولیٹیکل، چاگردی ءُُ نمب ءُُ ناسی جیڈھ آنی سر ءَ ھیال ریچی کن اَنت۔ مزن وزیر عمران خان ءِ اے تر ءُُ تاب ءِ ساھت ءَ میاں اوستمانی اقتصادی فورم ءِ ھاسیں سیشن ءَ بھر زوری کنت انت۔
