اسلام آباد۔ 20 جنوری (اے پی پی)صدر مملکت ڈاکٹر عارف علوی ءَ گوشت کہ کراچی ءِ تہ زھگانی 500بیڈ ءِ یک دگہ نادراہ جاھ ءِ ضلورت ءِ سرا زور مان کنان ءَ گوشت کہ کراچی شہر ءَ گوں ملک ءِ دگہ بھراں چہ ھاسیں دارودرمان ءِ ھاترا آکیں نادراھانی ھاترا آوکیں نادراھانی کساس گیش بوھگ ءِ سبب ءَ اے ھاس انت، سرکاری نادراھ جاء ءِ سرا گیشتر بار انت،اے ھوالہ ءَ ٹھوس ءُُ دراج وھدی گامگیج زورگ بہ بنت۔دوشمبے ءَ نیشنل انسٹی ٹیوٹ آف چائلڈ ہیلتھ ءِ اناگت ءِ تروتاب ءِ پدا میڈیا ءِ نماھندگ ءَ گوں گپ ءُُ تران کنان ءَ ملک ءِ صدر ءَ گوشت کہ اے تروتاب ءِ تہ یک بیڈ ءِ سرا چار ءُُ پنچ نادراھیں زھگ دیستگ ات ءُُ اے باز تکانسری ءِ گپ انت۔آہاں گوشت کہ اے جاورھال نادراھ جاء ءِ سرا نادراھانی بار ءُُ مالی جنجالءَ را پدر کنگ انت۔یک جستے پسو ءَ ملک ءِ صدر ءَ گوشت کہ آہاں این آئی سی ایچ ءِ تہ پیش اتکگیں انوگیں واکیہ ءِ تفصیلات لوٹ کرتگ ات،ایشی ءِ تہ یک انسانی جان ءِ تاوان بوتگ ات۔ نادراھ انتظامیہ ءِ نیمگا چہ داتگیں سرپدی ءِ ردا این آئی سی ایچ ءِ تہ 70 انکوبیٹرز انت۔ صدر مملکت ءَ خاتون اول بیگم ثمینہ علوی ءِ ہمبراہی ءَ نادراہ جاء ءِ لہتیں وارڈز ءِ تروتاب کتگ ءُُ نادراھ زھگانی تہ سوگات ھم بھر ءُُ بانگ کتگ ات۔اے موہ ءِ سرا آہاں نادراھ زھگءَ گوں آوکیں مردمانی جیڈھ ھم پول ءُُ پرس کتگ اتءُُ اے گپے سرا تکانسری ءِ درشان کتگ کہ آہاں چہ لہتیں مردماں را دگہ الم ءِ چیز ڈن ءَ چہ بہا زورگ بوھگ انت۔ صدر مملکت ءَ گوشت کہ اے یک مزنیں چیلنج انت پرچا کہ سرکاری نادراھانی سرا مزنیں بار انت۔اے درگت ءَ سوگو ءُُ دراج وھدی گامگیج الم انت،اے ھوالہ چہ مخیر مردماں ءُُ ادارگہانی کمک ستا ءِ لائق انت۔ایشی ءِ پدا ملک ءِ صدر ءَ نیشنل انسٹی ٹیوٹ آف کارڈیو ویسکولر ڈیزز (این آئی سی وی ڈی) ءِ تروتاب ھم کتگ۔
