اسلام آباد۔ 20 جنوری (اے پی پی)دری کارانی بنجاہی وزیرشاہ محمود قریشی ءَ گوشت کہ ایشیاء ءِ دمگ میان اوستمانی سیاست ءِ تہ ھاسیں رول ءَ ادا کنگ انت،نوکیں دمگی جاورھال مئے ڈنی پالیسی ءِ ھاترا نوکیں چیلنجز آرگ انت،اے ھاترا پاکستانی سفارتکارانی سرا پاکستان ءِ مفاد ءِ رکھگ مئے الم ءِ زمہ واری انت۔اے ھیالانی درشان آہاں دوشمبے ءَ ڈنی معاملہانی کارگس ءِ تہ 39 می اسپیشلائزڈ ڈپلومیٹک کورس ءِ گریجویشن مراگش ءَ گوں تران کنان ءَ کتگ ات۔مراگشءِ تہ ڈنی معاملہانی سیکرٹری،پیسریگیں سیکرٹری خارجہ، 39 ویں اسپیشلائزڈ ڈپلومیٹک پروگرام ءِ شریداراں بھرزوری کتگ۔آہاں گوشت کہ من ءَ اے مراگش ءِ تہ بھرزوری کنان ءَ باز وشی بوھگ انت، 39 می ڈپلومیٹک گریجویشن کورس ءِ شریدانی سوبمندی ءَ گوں کورس سرجم کنگ سرا دلی مرادباتی پیش کنگ اوں،آہاں گوشت کہ من ءَ سرپد کنگ بوتگ کہ کورس ءِ شریداراں را نصابی تعلیم ءِ ھوار لاہور، سیالکوٹ، کراچی کوئٹہ ءُُ گوادرءَ برگ بوتگ ءُُ پاکستان ءِ ھاسیں ربیدگی ءُُ سیل ءُُ سوادی دمگاں سیل کنگ بوتگ۔آہاں اے سدکی ءِ درشان کتگ کہ بزنس کمیونٹی ءُُ لہتیں ادارگہاں گوں گند ءُُ نند ءَ چہ شمارا معاشی ءُُ بیئپاری مفادءَ را گہترءِ وڈ ءَ دیما برگ ءَ پہ کمک رسیت۔آہاں اے امیت ءِ درشان کتگ کہ اوگانستان ءُُ چین ءِ سفارتکاراں گوں بیوکیں سہ فریقی ہیی ورکشاپ ءَ چہ شمارا سفارتکاری ءِ کار ہیل کنگ ءِ گہتریں موہ رستگ۔آہاں گوشت کہ لہتیں ادارگہاں گوں تبادلہ خیال ڈن ملک پاکستانی معاشی مفادات ءِ رکھگ ءِ تہ کمکارپدر بیت، سفارتکاراں را چین ءِ تروتاب ھم کنائین ات ءُُ امیت انت کہ ایشی ءَ چہ آہاں را نپ رسیت۔آہاں گوشت کہ انسانی زند ءِ تہ ہیل کنگ ءُُ علم حاصل کنگ ءِ رد کدی ھم نہ اوشتگ ات۔ دری کارانی وزیر ءَ وتی تران ءِ تہ گوشت کہ ایشیاءِ خطہ میاں اوستمانی ریاست ءِ تہ ھاسیں بستار دارگ انت،نوکیں میاں اوستمانی جاورھال مئے دمگی پالیسی ءِ ھاترا نوکیں چیلنجز ءَ آرگ انت،چیلنجز ءَ گوں دیم دیگ ءِ ھاترا پاکستانی سفارتکارانی سرا مزنیں زمہ واری عائد بوھگ انت، مارءَ ہمک دروشم ءَ پاکستان ءِ مفادءَ را رکھگی انت۔من ءَ اے ھم سرپد کنگ بوتگ کہ شما را پروفیشنل ڈپلومیٹسءِ گوما ہیلکاری ورکشاپ کنائینگ بوتگ تنکہ شمارا عملی پہلو ءَ را ہیل کت کن ایت۔آہاں گوشت کہ شما گریجویشن ءِ پدا نوں عملی سفارتکاری ءِ تہ گام ایر کتگ ات اے شمے کیریئر ءِ یک نوکیں دور ءِ بنداتی بیت۔اودا کہ شما کتابی دگنیا چہ عملی زند ءِ تہ پترگ انت بلے شمارا زہن نشین کنگ بہ بیت کہ ہروھد ہیلک کنگی انت۔آہاں گوشت کہ گوں ترندی ءَ بدل بیوکیں منظرنامہ ءِ تہ ایشیاء میاں اوستمانی تبک ءَ ھاسیں ارزشت دار بوتگ۔نوکیں منظر نامہ ءِ تہ پاکستان ءِ ھاترا نوکیں موہ ودی بوھگ انت۔یک ایکٹو ڈنی پالیسی ءَ را زوران ءَ مہ اے موہ ءَ چہ نپ چست کت کنیں ءُُ چیلنجزءِ مقابلہ کت کنیں۔
