اسلام آباد۔ 20 جنوری (اے پی پی) چیف الیکشن کمشنر ءُُ باسکانی تقرری کنگ ءِ ھاتراحکومت ءُُ اپوزیشنءِ پارلیمانی کمیٹی ءِ شورءُُ صلاحی دیوان سرجم بوتگ۔پارلیمنٹ ہاوس ءِ تہ بوتگیں ان کیمرہ دیوان ءِ تہ حکومت ءُُ اپوزیشن باسکانی میان ءَ اے ھوالہ ءَ گپ ءُُ تران بوتگ ات ءُُ فریقانی نیمگا چہ داتگیں نامانی پروفائلز ءِ سرا چار ءُُ بچار کنگ بوتگ۔دیوان ءِ پدا میڈیا ءَ گوں گپ ءُُ تران کنان ءَ سینیٹر مشاہد اللہ خانءَ گوشت کہ دیوان ءِ تہ خوشگوار ماحول ءِ تہ گپ ءُُ تران بوتگ۔95درسد دیمروئی کرتگ،امیت انت کہ(مروچی) دوشمبے ءَ اے ھوالہ چہ تپاکی بہ بیت۔حکومت ءِ نیمگا چہ سپیکر و ڈپٹی سپیکر راجی اسمبلی، وزیر دفاع پرویز خٹک وھدیکہ اپوزیشن ءِ نئیمگا چہ خواجہ آصف، رانا ثناء اللہ، شیزا فاطمہ، مشاہد اللہ خان، راجہ پرویز اشرف ءُُ شاہدہ اختر دیوان ءِ تہ ساڑی ات۔
