آلودگی کم کنگ ءِ ھاترا بسءَ را برقی کنگ بہ بیت،چاگرد ءِ رکھگ مئے درستانی زمہ واری انت،ملک امین اسلم

اسلام آباد۔ 20 جنوری (اے پی پی)مزن وزیر ءِ صلاحکار برائے موسمیاتی بدلی ملک امین اسلم ءَ گوشت کہ ماحول ءَ را دھواں ءُُ آلودگی چہ رکھگ ءِ ھاترا بسءَ را برقی کنگ بہ بیت۔مزن وزیر ءِ صلاحکار برائے موسمیاتی بدلی ملک امین اسلم ءَ گوشت کہ چاگرد ءَ را دھواں ءُُ آلودگی ءَ چہ پاک کنگ ءِ ھاترا بس ءَ را برقی توان ءِ سرا ھلائینگ بہ بیت،چاگرد ءِ رکھگ مئے درستاں پہ الم انت،گاڈیانی مینوفیکچرنگ پاکستان ءِ تہ بوھگ لوٹ ایت۔اے ھیالانی درشان آہاں دوشمبے ءَ وتی تران ءِ تہ الیکٹرک وہیکل پالیسی سرا بین الوزارتی دیوان ءِ موہ ءِ سرا کتگ۔دیوان دوشمبے ءَ بنجاہی وزیر موسمیاتی بدلی ءِ تہ مزن وزیر ءِ صلاحکار برائے موسمیاتی بدلی ملک امین اسلم ءِ سروکی برجم دارگ بوتگ۔دیوان ءِ تہ بیئپاری براتری ءُُ دگہ ادارگہاں وتی تحفظات ءِ درشانی ءَ کتگ ات۔دیوان ءِ تہ باست ءُُ واست ءِ پدا مزن وزیر ءِ صلاحکار ءَ گوشت کہ اے پالیسی ءَ ر امہ اقتصادی رابطہ کمیٹی(ای سی سی)ءَ را برگ بیت،مئے دراھیں فوکس اے گپے سرا انت کہ گاڈیانی مینوفیکچرنگ پاکستان ءِ تہ بہ بیت۔ اے سبب ءَ آئل ءِ یک بلین ڈالر ءِ بچت بہ بیت۔آہاں گوشت کہ پالیسی ءِ تہ ھوار انت کہ مہ مینوفیکچر نگ پاکستان ءِ تہ کنگی انت ءُُ چاگرد ءَ را دھواں ءُُ آلودگی ءَ چہ کم کنگ ءِ ھاترا بس ءَ را برقی توانائی ءِ سرا کنگی انت،اوکیں ھپتگ ءَ لاہور ءِ تہ اولی الیکٹرک رکشہ ءِ بنداتی کنگ بہ بیت،لاہورءِ تہ ایشی ءَ زوت لاگو کتگ،چاگرد ءِ رکھگ درستاں چہ مقدم انت۔