نوکیں حج پالیسی ءِ جار آوکیں ھپتگ ءَ کنگ بیت،حج پیکیج ءِ زرپنچ لکھ ءَ چہ گیش بوھگ ءِ گمان

اسلام آباد۔ 20 جنوری (اے پی پی) وزارت مذہبی امور حج 2020ءِ ھاترا نوکیں حج پالیسی ءِ جار گوزوکیں ماہ ءَ جنوری ءِ گڈی ھپتگ ءَ کن ایت۔وزارت مذہبی امور ءِ وسیلگ ءَ ”اے پی پی“ ءِ گوما گپ ءُُ تران کنان ءَ گوشت کہ گوزوکیں سال ءَ سرکاری حج اسکیم ءِ ردا حج پیکیج ءِ زر پنچ لکھ ءَ چہ گیش بوتگ ات پرچہ کہ درملکی زرمبادلہ ءِ تہ ودکی اتکگ،انشورنس پریمیم،ویلیو ایڈیڈ ٹیکس،ویزہ فیس،مکتب فیس ءِ ھوار دگہ حج پیکیج ءِ زر پنچ لکھ چہ گیش بوتگ ات۔ ایشی ءِ ابید مکہ المکرمہ ءُُ مدینہ منورہ ءِ تہ ہوٹل ءِ کرایہ ءَ ھم ودکی اتکگ انت ءُُ ایئر لائنز ءَ ھم حج ءِ ٹکٹ ءِ تہ ودکی کرتگ ات۔وسیلگ ءِ گوشگ ءِ ردا گوزوکیں سال ءَ ھم سرکاری ءُُ پرائیویٹ سکیمانی میان ءَ سرکاری حج کوٹہ ءِ درسد 60ءُُ40درسد بہ بیت وھدیکہ 80 سال ءَ چہ گیش پیروکیں مردم سورتی ءَ چہ مستثنیٰ بنت۔ وزارت مذہبی امور ءَ گوزوکیں سال حج پالیسی ءِ تہ الم کرتگ کہ سرکاری سکیم ءِ ردا سرجمیں ملک ءِ تہ 250ءَ چہ گیش برانچز ءِ داروکیں بینک دزبندی گرگ ءِ واکداربنت۔حج دزبندیانی زرشریعہ اکاونٹ ءِ تہ ایر کنگ بنت۔وسیلگ ءِ گوشگ ءِ ردا گوزوکیں سال ءُُ پرائیویٹ سکیم ءِ ردا 2لکھ مردم حج ءِ فرضان پیلو کن انت۔ وزارت مذہبی امور ءَ سعودی وزارت حج چہ پاکستان ءِ حج کوٹہ ءِ تہ ودکی ءُُ روڈ ٹو مکہ منصوبگ ءِ دائرہ کار دراھیں صوبائی بنجاہ ءِ تاں گیش کنگ ءِ ھاترا دیم داتگ ات۔ حج دزبندی کنوکانی ھاترا مشین ریڈ ایبل پاسپورٹ ءِ وھد ءُُ پاس یکم فروری 2021ایر کنگ بوتگ انت۔ایشی ءَ چہ کم معیاد ءِ پاسپورٹ ایر کنگ ءِ دزبندی دات مہ کن انت۔اے وڈ ءَ نادرا ءِ کار آمد پجار کارڈ ھم الم بیت ءُُ دراھیں دزبندی کنوکانی ھاتر وتی بلڈ گروپ ءَ چہ سرپدی ایر کنگ ھم الم بیت۔