اسلام آباد ۔ 20 جنوری (اے پی پی) مزن وزیر عمران خان ءَ پنت ءُُ شون کت کہ کاٹن ءِ سپورٹ پرائس گیشینگ ءِ ھولگ ءَ شور ءُُ سلاھ آنی سر ءَ چار ءُُ بچار پیش کنگ بہ بیت، سیڈایکٹ ءِ تہ ءَ مٹ ءُُ بدلی ءُُ کاٹن کمیٹی ءِ نوک سر جوڑیشت ءَ را سرجم کنگ بہ بیت ۔ دو شمبے ءَ مزن وزیر ءِ سروکی ءَ ملک ءَ کاٹن پالیشی ءُُ پُکی ءِ کشار ءِ ھوالگ ءَ جیڈھ آنی سر ءَ مزن تکی دیوان ءِ برجم دارگ بوت ایشی ءِ تہ ءَ بنجاھی وزیر برائے نیشنل فوڈ سیکورٹی مخوم خسرو بختیار، مشیر تجارت عبدالرزاق داوَد، ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ، پی ٹی آئی ءِ کلانہ ایں سروک جہانگیر خان ترین، ملک ءِ جتا جتائیں بھر آں گوں سیادی داروکیں کاٹن ءِ کشار کنوک، ڈن ءَ چہ آروک ءُُ کاٹن کمیٹی ممبر آں بھر زوری کت ۔ دیوان ءَ ملکی معیشت ءُُ ھواریں پیداوار ءِ تہ ءَ پُکی ءِ کشار ءِ شئیر، کاٹن ءِ پیداوار ، کاٹن ءِ ڈن ءَ چہ آرگ ءُُ روان دیگن ءِ جاور ھال، ملک ءَ کپاس ءِ کشار ءِ تہ ءَ پیداواری گیشی ءُُ ایشی ءَ گوں بندوکیں جیڈھ آنی سر ءَ سرج میں ھیال ریچی کت ۔ مزن وزیر عمران خان ءَ دیوان ءَ گوں گشتانک دیان ءَ گوشت کہ پکی ءِ کشار ملکی معشیت ءُُ ملکی ھواریں پیداوار ءِ تہ ءَ جوانیں کرد ءَ پیلو کنت ۔ مزن وزیر ءَ جتا جتائیں ملک آنی تہ ءَ پکی ءِ پیداوار ءِ کساس ءُُ ملک ءِ استیں پیداوار ءِ تہ ءَ بازیں کمی ءِ ھوالگ ءَ نہ وشی ءِ درشان کت ءُُ گوشت کہ بد بھتی ءَ گوستگیں وھد ءَ کپاس ءِ پیداور ءِ تہ ءَ گیشی ءُُ ایشی ءِ کشار ءِ دیمروئی ءِ ھوالگ ءَ جتا جتائیں جیڈھ آنی گیواری ءِ واستہ جوانیں توم ءِ کشگ، ٹیکنالوجی ءِ دیمروئی، ءُُ دھکان آنی مالی جیڈھ آناں ڈلگچار کنگ بوتگ ۔ اے سبب ءَ اے پڑ پشت کپتگ ۔ مزن وزیر ءَ گوشت کہ پُکی ءِ کشار ءِ دیمروئی ءُُ نوکیں ٹیکنالوجی ءِ کارمردی ءِ ھوالگ ءَ چین ءِ کمک در جنگ بوھگ ءَ انت ۔ پکی ءِ کشار ءِ دیرموئی ءِ ھولگ ءَ چین ءِ یکجائی ےِ گوں ملتان ءَ سنٹر آف ایکسی لینس ءِ جوڑیشت کنگ بوھگ ءَ انت ۔ پکی ءِ کشار ءَ را پنک بال ورم (گلابی سندی ) ءَ چہ رکھینگ ءِ واستہ حکومت پرائم منسٹر ایمرجنسی پروگرام ءِ چیر دستی ءَ پنک بال روپ ٹیکنالوجی درآ مد کنگ ءَ انت ۔ اے ٹیکنالوجی دھکان آناں سک باز سستائی پجارین ایت ۔ چین ءِ نامداریں کمپنی سی ایم ای سی ءِ نیمگ ءَ چہ بلوچستان ءَ کاٹن فارمنگ منصوبگ بندات کنگ بوھگ ءَ انت ۔ ھمے رنگ ءَ خیبر پختونخوا ءُُ صوبہ سندھ ءَ ھم کاٹن ءِ کشار ءَ را دیمروئی دیگ ءِ واستہ گامگیج کنگ بوھگ ءَ انت ۔ مزن وزیر ءَ را گوشگ بوت کہ دھکان آنی لوٹ ءِ پد ءَ سیڈایکٹ ءِ تہ ءَ مٹ ءُُ بدلی، سنٹرل کاٹن کمیٹی ءَ را نوک سر جوڑیشت کنگ بوھگ ءَ انت تانکہ سنٹرل کاٹن کمیٹی وتی کرد ءَ را جوانیں رپک ءَ گوں پیلو کت بکنت ءُُ شوبگ ءِ تہ ءَ نوکیں ریسرچ آنی دیمروئی دیگ بہ بیت ۔ مزن وزیر ءِ پنت ءُُ شون ءِ پد ءَ سیڈایکٹ ءِ مٹ ءُُ بولی ءُُ کاٹن کمیٹی ءِ نوک سر جوڑیشت ءِ کار زوت سرجم کنگ بیت ۔ کاٹن ءِ سپورٹ پرائس گیشینگ ءِ ھوالگ ءَ مزن وزیر ءَ وزارت ءِ ھزانگ، وزارت ءِ نیشنل فوڈ سیکورٹی ءُُ کامرس ڈویژن ءِ پنت ءُُ شون کت کہ سپورٹ پرائس گیشینگ ءِ ھوالگ ءَ شور ءُُ مشور آنی سر ءَ چار ءُُ بچار گرگ ءُُ سپارش پیش کنگ بہ بنت ۔
