کشمیر نا ویل ءِ پبی و گچین وڑاٹ تالان کننگ نا خراج تحسین پیش کرے
اسلام آباد۔ 20 جنوری (اے پی پی) وزیراعظم عمران خان تون آزاد جموں و کشمیر نا مسکوہی صدر سردار سکندر حیات خان و مسکوہی وزیراعظم بیرسٹر سلطان محمود چوہدری ئسک اوڑدہی کریر۔ دوشنبے نادے آ وزیراعظم میڈیا آفس آن جاری بیان نارداٹ اوڑدہی ٹی سردار سکندر حیات خان وزیراعظم عمران خان ءِ مچ آ دنیا ٹی کشمیر نا ویل ءِ پبی و گچین وڑاٹ تالان کننگ آ خراج تحسین پیش کرے ووزیراعظم عمران خان نا کماشی آ پت انا درشانیءِ کرے۔ اوڑدہی ٹی مقبوضہ جموں و کشمیر نا مظلوم الس تون یکجہتی نا درشانی ءِ کننگ کن 5 فروری آ یوم یکجہتی کشمیر ءِ پبی وڑاٹ اڈتننگ نا بابت تیاری تیا گپ و تران مس۔ اوڑدہی ٹی آزاد جموں و کشمیر نا سیاسی و شونداری ڈٹ آتا بابت باندات آتیا ہم گپ و تران کننگا۔

متعلقہ مضامینمصنف کی طرف سے مزید