اسلام آباد۔ 20 جنوری (اے پی پی) وزیر خارجہ شاہ محمود قریشی پارینے کہ ایشیا ء نا ڈیہہ جہانی سیاست اٹ اہمیت اختیار کرسا ہِننگ ءِ، پوسکن آ علاقائی و جہانی حالیت آک ننا خارجہ پالیسی کن پوسکن ءُ چیلنج اتنگ ءُ، دارداٹ پاکستانی سفارتکار آتیا پاکستان نا فائدہ غاتا رکھ انا بھلو زمواری اس مریک۔ داخیال آتا درشانی ءِ او دوشنبے نادے آ دفترخارجہ ٹی سفارتکار آتا گریجوایشن نا دود آن تران کرسا کرے۔ اوپارے کہ چندی ادارہ غاتون گپ وتران پیشن نا ملک پاکستانی معاشی فائدہ غاتا رکھ اٹ کمکار مریک، سفارتکار آتے چین نا دورہ ءِ ہم کرفینن و اومیتءِ کہ داڑان اوفتے فائدہ دوئی مریک، اوپارے کہ انسانی زند اٹ ہیل کننگ و علم دوئی کننگ نا چرجوئی وخت اس ہم سلپک۔ وزیر خارجہ تینا تران اٹی مستی پارے کہ ایشیاء نا ڈیہہ جہانی سیاست اٹ اہمیت اختیار کرسا ہِننگ ءِ، پوسکن آ علاقائی و جہانی حالیت آک ننا خارجہ پالیسی کن پوسکن ءُ چیلنج اتنگ ءُ، چیلنج آتون مون تننگ کن پاکستانی سفارت کار آتیا بھلو زمواری اس مریک، ننے ہر حال اٹ پاکستان نا فائدہ غاتارکھ ءِ کروئی ءِ۔
