اسلام آباد۔ 20 جنوری (اے پی پی) وزیراعظم ناخصوصی کمکار حوالکاری و شین کاری ڈاکٹر فردوس عاشق اعوان پارینے کہ تینا کارندہ غاتے درو تروک آک ہرا باہ اتون ایلوفتیا ہیت کیرہ، نیزگار آتا ہمدردی ٹی مگرمچھ نا خڑینک شولوک آتا دسوک آتے اینو مچ آ قوم روتنگ اٹی ءِ، چار دے جیل اٹی رہینگوک آتا چیہانٹ آک بند مفننگ ءُ۔ دوشنبے نادے آ تینا ٹویٹ اٹی ڈاکٹر فردوس عاشق اعوان پارے کہ ساڑی حکومت 16 تُو اٹی وام تا زرتس اتون اوار معاشی نظم وضبط اس جوڑ کننگ کن وخت آ و جیرت مندانہ فیصلہ کرے، مالیاتی و انتظامی مشکل فیصلہ غاتے قوم ءِ 71سال انا ویل آتیان نجات ترفنگ کن کننگانے۔ اوپارے کہ قوم انا ہمت و حوصلہ اٹ شونہالی نا پوسکن آ دور بنا مننگ والا ءِ، وزیراعظم عمران خان ءِ قوم انا مشکل آتا جوان احساس ارے۔ ڈاکٹر فردوس عاشق اعوان پارے کہ الس ءِ براہ راست ریلیف تننگ کن یوٹیلیٹی اسٹورآتا کمک اٹ 7 ارب نا پیکج تننگا، بروک آ دے تیٹی الس نا آسانی کن پین گام گیج مریک۔
