اسلام آباد۔ 20 جنوری (اے پی پی) تدوک آ پنچ سال اٹی خذمت آتا بشخ انا اوسط شرح نمو 5.5 درسد ئسک، وخت اس کہ مالی سال 2017ء ٹی شعبہ نا شرح نمو ٹی ریکارڈ 6.5 درسد ودکی مسوسس۔ سٹیٹ بینک آف پاکستان (ایس بی پی) نا رپورٹ نار داٹ تدوک آ پنچ سال اٹی شعبہ نا غٹ آن کم شرح نمو مالی سال 2015ء ٹی 4.4 درسد مسوسس۔ اینخو مالی سال 2020ء کن خذمت آتا بشخ انا شرح نمو نا ہدف 4.8 درسد مقرر کننگانے۔ مالی سال 2016ء ٹی شعبہ نا شرح شونداری 5.7 درسد مسوسس وخت اس کہ مالی سال 2017ء ٹی 6.5 درسد نا ریکارڈ کچ اسکان ودا ہنداوڑ مالی سال 2018ء ٹی ہم خذمت آتا بشخ انا شرح شونداری 6.3درسد ئس وخت اس کہ تدوک آ مالی سال 2019ء ٹی شرح نمو 4.7درسد اسکان کم مس۔ رپورٹ نار داٹ جاری مالی سال کن خذمت آتا بشخ انا شرح شونداری نا ہدف 4.8 درسد مقرر کننگانے۔
