اسلام آباد۔ 20 جنوری (اے پی پی) محکمہ موسمیات نا رداٹ 24گھنٹہ ٹی ملک انا بڑزکو، نیامی /دیکی علاقہ غاتے ٹی جمری مریک ولے قطب بلوچستان، خیبر پختونخوانا مشی آ علاقہ، بڑزکو پنجاب و اسلام آباد، کشمیر و گلگت بلتستان اٹی گڑاس ہند آتیا پِر و مش تیا برف انا گمان ءِ۔ پنجاب نا گیشتر میدانی علاقہ و بڑزکو سندھ اٹی نن نا وخت آ گوتلو تمنگ نا گمان ءِ و ملک انا ایلو علاقہ غاتے ٹی موسم خشک و یخ مریک۔ رپورٹ نا رداٹ تدوک آ 24گھنٹہ ٹی ملک انا گیشتر علاقہ غاتے ٹی موسم خشک وخت اس کہ قطبی علاقہ غاتے ٹی بھاز یخ ئس۔ دوشنبے نادے آ ریکارڈ کروک آ کم آن کم درجہ حرارت نا رپورٹ نا رداٹ سکردو ٹی درجہ حرارت منفی 20 ڈگری سینٹی گریڈ، استور منفی 16، گوپس منفی 13، کالام، پاراچنار منفی 10، بگروٹ منفی 9، دیر، مالام جبہ، قلات منفی 5 و کوئٹہ ٹی منفی 3 ڈگری سینٹی گریڈ ریکارڈ کننگانے۔
