سیالکوٹ۔ 19 جنوری (اے پی پی)مزن وزیر ءِ ھاسیں کمکاربرائے ھالرسانی ءُُ شنگکاری ڈاکٹر فردوس عاشق اعوان ءَ گوشت کہ سندھ حکومت ءَ گندیم ءِ بھا زورگ ءِ تہ دیر کتگ،مزن وزیر ءَ سندھ ءَ را4لکھ ٹن گندیم ءِ پھجارگ ءِ کڈنی کتگ ات ایشی ءَ چہ سندھ حکومت ءَ تنیگہ یک ٹن گندیم بھار زورتگ ءُُ سندھ حکومت گندیم ءَ را ملانی تاں پھجارگ ءِ تہ بے سوب بوتگ،سندھ حکومت صوبگ ءِ تہ گندیم ءِ سپلائی ءِ کارءَ را ترند کنگ لوٹگ بہ بیت۔سیالکوٹ ءِ تہ میڈیا ءَ گوں گپ ءُُ تران کنان ءَ ھاسیں کمکار ءَ گوشت کہ پاکستان ءِ تہ نشتگیں دراھیں مردمانی ضلورت پیلو کنگ حکومت ءِ زمہ واری انت۔آہاں گوشت کہ پنجاب حکومت ءَ مہلوک ءِ تاں آرت ءِ سپلائی ءَ را ترند کتگ ءُُ پنجاب حکومت آرت ءِ نھادانی تہ مھکمی ھاترا ہرممکن گاماں چست کنگ انت۔آہاں گوشت کہ پنجاب حکومت ءِ نیمگا چہ 814فلورملز ءَ را ہمک روچ ءِ بنیات ءَ 25390 ٹن سبسڈائز گندیم پھجارگ بوھگ انت ہما ملز واھند آرت ءَ گرانی بھا کنگ انت یا پج کنگ انت آہانی ھلاپ ءَ آپریشن کنگ بوھگ انت،اے ھوالہ چہ پنجاب حکومت ءَ مہلوک ءِ آسراتی ءِ ھاترا یک کمکی لین ءِ ھم ہڈ داتگ کہ اودا کہ آرت گرانی بہا کنگ بوھگا انت یا ذخیرہ اندوزی کنگ بوھگ انت ءُُ مہلوک ءَ را آرت نہ رسگ انت تو مہلوک اے ہیلپ لائن (60606-0800)سراکال کنان ءَ وتی شکاست ءَ جم کن انت۔آہاں گوشت کہ گرا ں بہائی کنوکیں ملزواھندءُُ آرت ءِ چکی آنی ھلاپ ءَ آپریشن بندات کرتگ ات۔آپریشن ءِ تہ آہاں را جرمانہ ھم کنگ بوھگ انت۔ ڈسٹرکٹ لیول سرا شش آفیسر برطرف کنگ بوتگ ات ہمہ کہ ملز واھند ءَ گوں ھوار آرت ءِ نہاداں را برز کنگ ءَ ھوار ات۔
