اسلام آباد۔ 18 جنوری (اے پی پی) مزن وزیر عمران خان ءَ گوشت کہ پاکستان راج دپتر ءِ گرانیں معاشی جاورھال چہ درکپتگ انت،اولی رند ءَ مئے حکومت ءَ صنعتانی بحالی ءَ را دلگوشی داتگ انت اے حکمت عملی چہ روزگار ءِ موہ سر بنت، ڈیجیٹل میڈیا ءِ وسیلگ ءَ مزلومیں کشمیری مہلوک ءِ مقدمہ دگنیا ءِ دیما پیش کنان ءَ اے باور کنائینگ بیت کہ سلامتی کونسل ءِ منگ نامہ ءُُ کشمیری مہلوک ءِ امنگانی روثنی ءَ کشمیر ءِ جیڈھ ءَ را حل میاں اوستمانی براتری ءِ زمہ واری انت، پاکستان تحریک انصاف ءُُ بنجاہی حکومت ءَ 5فروری ءَ یوم یکجہتی کشمیر دارگ ءِ پیسلہ کتگ، فاشسٹ مودی سرکار ہندوراشٹرا ءِ واب سرجم کنگ ءِ ھاترا امن ءُُ خطہ ءِ سلامتی ءَ را داو سرا جتگ انت۔مزن وزیر کارگس ءِ میڈیا ونگ ءِ نیمگا چہ جاڑی بیان ءِ ردا اے ھیالانی درشان مزن وزیر عمران خان ءَ لہتیں تک ءَ گون سیادی داروکیں ورناہانی ڈل ءَ گوں گند ءُُ نند ءِ تہ کتگ ات۔آہاں ھپتگ ءَ ادا مزن وزیر کارگس ءِ تہ گند ءُُ نند کتگ۔گند ءُُ نند تہ ڈیجیٹل میڈیا ءَ گوں سیادی داروکیں ورناہ ھم ساڑی ات۔ھاسیں کمکار سید ذوالفقار عباس بخاری ءُُ مزن وزیر ءِ فوکل پرسن برائے ڈیجیٹل میڈیا ڈاکٹر ارسلان خالد ھم اے موہ ءَ ساڑی اتنت۔گند ءُُ نند ءِ تہ ملک ءَ را دیم چیلنجز،جیڈھاں گوں دیم دیگ ءِ ھاترا حکومتی گامگیج،نوکتریں وھد ءِ تہ میڈیا ھاسکر سوشل میڈیا ءِ کرد ءُُ دگہ معاملہانی سرا ھیال ریچی کنگ بوتگ۔ ڈیجیٹل میڈیا سیکٹر ءِ تہ ورناہیں پدریچ ءِ ھاترا استیں موہ،دیم چیلنجز ءُُ آہانی حل ءِ سرا سرجمیں گپ ءُُ تران کنگ بوتگ۔مزن وزیر ءَ ڈؒ ءِ گوما گپ ءُُ تران کنان ءَ گوشت کہ پاکستان راج دپتر ءِ گرانیں معاشی جاورھال ءَ چہ درکپتگ انت،مالیاتی تاوان کم بوتگ ءُُ سرمایہ کارانی اعتماد بحال بوتگ۔آہاں گوشت کہ 1970ئئِ پدا اولی رند َ مئے حکومت ءَ صنعتانی بحالی ءَ را ترجیح داتگ۔اے حکمت عملی چہ روزگار ءِ موہ سر بنت ءُُ معیہشت دیمروئی کن ایت۔مزن وزیر ءَ ورناہانی سرا زور مان کتگ کہ ورناہیں تبک اے سوبمندی ءَ را اجاگر کن انت۔آہاں گوشت کہ استیں حکومت ءَ ورناہانی ھاترا سہل ءِ شرطانی سرا بیئپارءِ بنداتی ھاترا وامانی پھجارگ ءِ ابیدہنر ہیل کنگ ءِ ھاترا ہیلکاری پروگرام دیم آرتگ۔مزن وزیر ءَ گوشت کہ مئے حکومت ءَ گریب مہلوک ءِ ھاترا احساس پروگرام ءُُ پناہ جاھانی بنداتی کتگ،کرپشن ءُُ مافیا ءَ را ھلاس کنگ ءِ ھاترا گڈی حد ءَ تاں جنگ برجاہ ایر کناں۔آہاں گوشت کہ پاکستان ءِ تہ ٹوارزم ءِ پراھی ءِ ھاترا چکاریں بود ساڑی انت۔ایشیءَ را ڈیجیٹل میڈیا ءِ وسیلگ ءَ شریں انداز ءِ تہ دگنیا ءِ دیما آرگ بہ بیت۔مزن وزیر ءَ گوشت کہ ورناہیں تبک ءِ ھاترا یک کلوھ انت کہ محنت ءَ کن انت،سوبمندی محنت ءَ گوں ہمگرنچ انت۔
