اسلام آباد۔ 18 جنوری (اے پی پی)مزن وزیر ءِ ھاسیں کمکار برائے سماجی تحفظ و تخفیف غربت ڈاکٹر ثانیہ نشتر ءَ گوشت کہ بے نظیر انکم سپورٹ پروگرام (بی آئی ایس پی) ءِ گریڈ۔17 ءِ4 افسراں را کرپشن ءُُ مس کنڈکٹ ءِ بہتامانی سرا نوکری چہ درکتگ۔اے انکشاف آہاں ھپتگ ءَ وتی یک ٹویٹ ءِ تہ تہ کتگ ءُُ گوشت کہ ہما افیسراں مس کنڈکٹ کنان ءَ بی آئی ایس پی ءَ چہ نپ چست کنوکانی تہ وتی لوگبانک آنی نام ھوار کتگ ات۔ٹویٹ ءِ تہ گوشت کہ ٹرمینیٹ کتگیں افسرانی تہ اسسٹنٹ ڈائریکٹر بی آئی ایس پی تحصیل پارووا ڈیرہ اسماعیل خان محمد نعمان زھیم، اسسٹنٹ ڈائریکٹر تحصیل آفس ڈیرہ اسماعیل خان شفیع اللہ، اسسٹنٹ ڈائریکٹر تحصیل آفس ایبٹ آباد سید فضل امین ءُُ اسسٹنٹ ڈائریکٹر تحصیل آفس پلاس، ایبٹ آباد سبیل خان ھوار انت۔ ڈاکٹر ثانیہ نشتر ءَ گوشت کہ احساس انٹیگریٹی ءُُ کرپشن ءِ کرپشن ءِ گرودار جنز ءِ ردا 4 لکھ 40 ہزارکلدار دست کتگ ات۔ایشی ءَ چہ پیسرءَ یک دگہ ٹویٹ ءِ تہ ڈاکٹر ثانیہ نشتر ءَ پدر کتگ ات کہ نفیسہ شاہ ءِ نام اے لڑ ءَ ھوار نیست انت۔
