اسلام آباد۔ 18 جنوری (اے پی پی)مزن وزیر آزات کشمیر راجہ فاروق حیدر ءَ آزات کشمیر ءِ تہ برپ گواری ءَ چہ آماچیں دمگ ءَ را آفت زدہ قرار دیگ ءِ منظوری داتگ ءُُ اے کڈنی کتگ کہ تباہ بیوکیں گسانی ءُُ ماڑیانی ءِ نندوکاں را سرکاری ماڑیانی تہ نندگ ءِ آسراتی پھجارگ بہ بیت۔اے کڈنی مزن وزیر آزات کشمیر ءَ وتی سروکی ءَ دیوان ءِ تہ کتگ ات۔دیوان ءِ تہ مزن وزیر آزات کشمیرءَ ضلعنیلم، وادی لیپہ ءُُ ضلع حویلی ءِ دمگ بھیڈی ءَ را آفت زدہ قرار دیگ ءِ منظوری داتگ۔مزن وزیر آزات کشمیر ءَ اے ساعت ءَ قدرتی آفت ءِ باروا 1976ءِ ردا کمشنر مظفر آباد ءَ را ریلیف کمشنر ایر کنگ ءِ منظوری داتگ ءُُ کڈنی دات کہ اثرمندیں دمگاں کمکی کار انی منصوبگ بندی موسمی جاورھال ءَ را دیما ایر کنان ءَ کنگ بنت۔راجہ فاروق حیدر خان ءَ گوشت کہ سکیں برپ گواری ءِ سبب ءَ لیپہ ویلی ءُُ بھیڈی ءِ زمینی رھوت ھم کٹ انت کڈنی انت کہ اے دمگاں کمکی کار ترند کنگ بنت ءُُ المی چیزانی اسٹاک ءِ جائزگ گرگ بہ بیت۔
