لاہور۔18 جنوری(اے پی پی)مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءَ گوشت کہ خیبر پختونخواہ ءِ تہ ہیموفیلیا ءِ کانود جوڈ بوتگ انت،ایشی ءَ را بنجاہ ءُُ پنجاب ءِ تبک ءَ ھم دیم کنائینگ بیت تنکہ نادراھی ءَ را دارگ ءِ ھاترا چاگرد ءِ تہ جنز ءِ بنداتی کنگ بیت ٗحکومت ءَ 192 ارب کلدارءَ چہ احساس پروگرام دیما آرتگ، سندس فاؤنڈیشن ءَ را ھم احساس پروگرام ءِ بھر جوڈ کنگ بہ بیت ٗحکومت ہیموفیلیا ءِ نادراہی ءِ آماچ ءِ ایجوکیٹڈ نادراہانی ھاترا سندس جاب بینک جوڈ کن ایت۔ایشی ءِ ردا آہاں را بنجاہ ءُُ صوبگ ءِ تبک ءَ نوکری پھجارگ بنت ٗآں ھپتگ ءِ روچ ءَ سندس فاونڈیشن ءِ تہ نامداریں کام نویس منوبھائی ءِ دومی سالروچ ءِ موہ ءَ برجمیں مراگش ءَ گوں تران کنگ ات۔ھاسیں کمکار ءَ گوشت کہ سندس فاونڈیشن ءِ کوشستاں را کدی ھم شموشگ مہ بیت،منوبھائی یک مستریں انسان ءِ ا ت آہاں چاگردءِ تہ گمیگیں انسانانی دیمرویی ءِ ھاترا ہر ہما کوشست کتگ ات ہمہ الم ات۔مخیر حضرات گمیگیں انسانانی ھاترا سندس فاونڈیشن ءِ بھر جوڈ بنت، سندس فاؤنڈیشن 6ہزار زھگءَ را لہتیں شہراں وتی ہزمت ءَ سرجم کنگ انت۔ آہاں گوشت کہ مزن وزیر عمران خان ءَ کینسرءِنادراہانی درد ءَ را محسوس کنان ءَ شوکت خانم ہسپتال جوڈ کتگ،آہاں گوشت کہ خیبر پختونخوا ءِ تہ ہیمیو فیلیا ءِ نادراہی ءِ باروا کانود ساچی کنگ بوتگ ات ٗبنجاہ ءُُ پنجاب ءِ تبک ءِ سرا ھم دیم دراہی کنائینگ بیت ءُُ اے نادراہی ءَ را دارگ ءِ ھاترا جنز ھم دیم آرگ بہ بیت ٗ ایشی ءِ تہ میڈیا،چاگردی گلاں،پریس کلبز ءِ ھوار دگہ ادارگہ ءَ را وتیگ ءَ گوں پج کنگ بہ بیت تنکہ نادراہانی کساس ءَ را کم ءَ چہ کم کنگ بیت۔آہاں گوشت کہ سندس فاونڈیشن لہتیں شہراں 6ہزار نادراہاں را آسراتی ءَ پھجارگ انت۔اے ادارگ گوں گمیگیں انسانانی مہر ءُُ محبت پاکستان تحریک انصاف ءِ مشن ءُُ جوزگ انت ٗ حکومت ءَ192ارب کلدار ءَ چہ احساس پروگرام دیما آرتگ۔ سندس فاؤنڈیشن احساس پروگرام چہ چے وڈ ءَ نپ چست کت کن ایت اے ھاترا سسٹم ءِ جوڈ کنگ بہ بیت ٗ ڈا کٹر فردوس عاشق اعوانءَ گوشت کہ حکومت ایوکا اے رنگ ءِ کار کت مہ کن ایت،اے ھاترا مخیر مردماں را دیما آھگ بہ بیت ءُُ گمیگیں انسانانی ھاترا وتی کرد ادا کنگی انت ٗ پاکستان ڈونیشن دیوکانی تہ اولی لمبر ءَ انت۔سندس فاؤنڈیشن ءِ نادراہانی درمان ءُُ ھُون ءِ ضلورت پیلو کنگ ءُُ آہانی فیملی سرا گوزوکیں ڈکھ ءِ گواہ انت ٗ منو بھائی مروچی مئے کِر ءَ ساڑی نیست ات بلے آہانی ہزمتاں را ہروھد یات دارگ بہ بیت۔منو بھائیءِ جوزگ ءَ گمیگیں انسانانی کمک کتگ ءُُ آئی ءِ مرگ ءِ پدا ھم آہانی جوزگ مروچی ھم زندگ انت۔منو بھائی یک دلیریں احوالکار،کالم نویس ءُُ سوشل ایکٹوسٹ ات۔
آہاں گوشت کہ مزن وزیر عمران خان زوت ادی تروتاب کن انت ءُُ نادراہیں مردماں گوں وھد گوازین انت۔اے موہ ءِ سرا پاکستان بیت المال پنجاب ءِ چیئرمین ملک محمد اعظمءَ گوشت کہ بیت المال سندس فاونڈیشن ءِ ھاترا یک سنٹر ءِ جوڈ کن ایت ایشی ءِ ردا سندس فاونڈیشن ءِ معاملہ ءَ را حل کنگ بنت۔ سندس فاؤنڈیشن ءِ ڈائریکٹر ءُُ سینئر صحافی سہیل وڑائچ ءَ منو بھائی ءِ ہزمت ءَ را ستا پیش کتگٗ ملک ءِ تہ سندس فاؤنڈیشن ءِ مزنیں مقام انت۔ ٗ آئی اے رحمانءَ گوشت کہ منو بھائی ءَ خدمت خلق ءِ ھاترا وتی زند وقف کتگ۔اے موہ سرا حسین نقی ٗ خاور نعیم ہاشمی ٗ کارٹونسٹ جاوید اقبال ٗ طارق خورشید ملک ٗ ڈاکٹر افتخار بخاری ٗ خالد عباس ڈار ٗ شیخ سعید ءُُ دگہ ڈونرز ءَ تران ھم کتگ۔ایشی ءَ چہ پیسرءَ ھاسیں کمکار ءَ زھگانی تہ سوگات ھم بھر ءُُ بانگ کتگ ات۔
