اسلام آباد ۔ 17 جنوری (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوں فرانس ءِ سفیر مارک بارٹے ءَ گند ءُُ نند کت ایشی ءِ تہ ءَ اے ایف پی ءِ نیمگ ءَ اے پی پی ءِ واستہ تکنیکی کمک، ھیل کاری ءِ آسراتی ءُُ میڈیا ءِ ڈل آنی دو نیمگی روگ ءُُ آیگ آنی سر ءَ تپاک کنگ بوت ۔ گند ءُُ نند ءِ سھات ءَ مزن وزیر ءِ ھاسیں کمکار برائے اھوالکاری ءُ شنگ کاری ڈاکٹر فردوس عاشق اعوان ءَ گوشت کہ پاکستان ءَ اھوالکار آنی کزبی کار ءِ تہ ءَ ھیل کاری ءِ تہ ءَ گیشی ءُُ ٹریننگ ءِ واستہ فرانس ءِ گوما کمک ءِ واھشت ایگ آں ۔ آئی ءَ دوئیں ملک آں ی اسٹیٹ نیوز ایجینسیز ءُُ نیشنل براڈ کاسٹرز آنی نیام ءَ کمک آناں گیش ودینگ ءِ ضلورت ءِ سر ءَ زور دات ۔ ڈاکٹر فردوس عاشق اعوان ءَ گوشت کہ فرانس ءِ اے ایف پی نیوز ایجنسی ءِ ھساب دگنیا ءِ ٹاپ نیوز ایجنسیز آنی تہ ءَ بیت، لوٹاں کہ اے پی پی اے ایف پی ءِ تجروبت آں چہ سیت چست بکنت، نیوز ایجنسیز آنی نیام ءَ یک دوئیں ملک آنی الس آناں ارزشتی ایں ھال ءُُ اھوال آنان پجاری ءِ واستہ ضلوری انت ۔ ڈاکٹر فردوس عاشق اعوان ءَ گوشت کہ پاکستان ءَ میڈیا آزات ءُُ مھکم انت، پاکستان فرانس ءِ گوما یکوئی آناں ارزشت دنت ۔ فرانس ءِ سفیر مارک بارٹے ءَ فرانس ءِ میڈیا ءِ ھوالگ ءَ چمشانک دات ءُُ پاکستان ءُُ فرانس ءِ نیام ءَ جتا جتائیں شوبگ آنی تہ ءَ جاڑیگیں کمک آنی ھوالگ ءَ گپ ءُُ تران کت ۔ فرانس ءِ سفیر ءَ دوئیں ملک آنی نیام ءَ تجارتی کساس ءِ دیمروئی ءِ سر ءَ ھم زور پر دات ۔
