اسلام آباد ۔ 17 جنوری (اے پی پی) صدر مملکت ڈاکٹر عارف علوی ءَ گوشت کہ پاکستان ءُُ چین ءِ دوستی ھمک آزمائش ءَ چہ گوستگ، پاکستان چین ءِ گوما وتی یکوئی آناں سک باز ارزشت دنت، دوئیں ملک آنی یکوئی دمگی ایمنی ءُُ سلامتی درور انت ۔ اے ھیالانی درشانی آئی ءَ آدینگ ءِ روچ ءَ پاکستان ءَ چین ءِ سفیر یاءو جنگ ءَ گوں گند ءُُ نند ءِ ساھت ءَ کت ۔ صدر ءِ مملکت ءَ گوشت کہ چین ۔ پاکستان اقتصادی راہداری دوئیں ملک آں ی نیام ءَ کمک ءِ نشان انت، سی پیک پاکستان ءُُ چین ءِ نیام ءَ دو نیمگی یکوئی آناں گیش مھکم جوڑ کنگ ءِ واستہ ارزشتی بنت وھدیکہ ایشی ءِ سرجمی ءَ چہ پاکستان ءِ ھاٹیگ ، صنعت ءُُ انفراسٹرکچر ءِ شوبگ ءِ سرج میں آسراتی آناں کارمرد کنگ ءَ کمک رسیت ۔ صدر ءِ مملکت ءَ گوشت کہ چین مئے بنیاتی راجی سیت ءِ ھوالگ ءَ جیڈھ آناں مدام پاکستان ءِ گوما ھمگامی ءَ اوشتاتگ ۔ آٗی ءَ ھاسیں رنگ ءَ کشمیر ءِ جیڈھ ءِ سر ءَ پاکستان ءِ کمک کنگ ءَ را ساڑات ۔
