کوءٹہ ۔ 17 جنوری (اے پی پی) صوبائی وزیر بلدیات سردار محمد صالح بھوتانی پارینے کہ شاری نظام ءِ پین گچین کننگ کن دونیم ارب روپئی نا زر مشینری ہلنگ کن جتا کننگانے، وخت اس کہ خضدار تون اوار صوبہ نا ایلو بھلا شار تے میٹرو پولیٹن نا درجہ تننگ انگ ءِ صوبائی حکومت بلدیاتی نظام نا وڑوڈول اس جوڑ کننگ نا مرحلہ غان گدرینگ انگ ءِ زوت بلدیات نا پوسکن آ نظام بلوچستان اٹی نافذ العمل مریک، بلدیاتی گچین کاری تا اڈتننگ ءِ پک کینہ ۔ محکمہ لوکل گورنمنٹ اٹی چیک اینڈ بیلنس ، آب و میرٹ نا اسہ گچین ءُ نظام اس جوڑ کننگ اُن، ہرا پیسہ غاک الس نا ءُ ا وفک الس نا گچینی آ خڑچ مریر، محکمہ لوکل گورنمنٹ آفیسر ز دیانت و امانت ءِ ملحوظ خاطر تخسا کاریم کیر ۔ شونداری ڈٹ آتا ای تینٹ چاروکی ءِ کیوہ ۔ اینو ای خضدار نا دورہ ءِ کرینٹ تو منہ ہفتہ غان پد پدی بریوہ معلوم مرے کہ ہراڈٹ آتے الس نا راجی آسراتی کن جوڑ کننگانے او آب اٹنگا وڑاٹ ایسر اسکان سرمننگ ءُ کہ آخا ۔ الس نا استحقاق آ ہچ ءُ سمجھوتہ اس کننگپک ۔ داخیال آتا درشانی ءِ او خضدار پریس کلب اٹی میڈیا کانفرنس آن تران کرسا کرے ۔ داوخت آ میونسپل کارپوریشن خضدار نا آفیسر وڈیرہ محمد صالح جاموٹ، غلام قادر چھٹہ تون اوار ایلو آفیسر آک ساڑی ئسر ۔
