کوءٹہ ۔ 17 جنوری (اے پی پی) گورنر بلوچستان امان اللہ خان یاسین زئی پارینے کہ ساڑی آ یخ اٹی ودکی تون چندی علاقہ غاتے ٹی اُرائی صارف آک گیس انا پریشر اٹی بے کچ کمتی بننگ نا سوب آن الس کیہی ویل آتا پلویڑ اٹی ءُ ۔ ترند انگا یخ اٹی گیس پریشر نا کمتی بزرگ، مریض و چناتا زند ءِ ژند کرینے دارداٹ المی ءِ کہ دمدستی وڑاٹ گیس فراوانی نا حالیت آتے گچین کننگ کن غٹ دوئی وسیلہ غاتے کاریم اٹ اتیر گورنر یاسین داہیت آ زور شاغا کہ غیر کانودی وڑاٹ خلوک آ گیس کمپریسر آتا کاریم اٹ اتوک آ صارف آتا برخلاف دمدستی کارروائی کننگے ۔ داخیال آتادرشانی ءِ او جمعہ نادے آ گورنر ہاءوس کوءٹہ ٹی جنرل منیجر سوئی سدرن گیس کمپنی لمیٹڈ مدنی صدیقی تون گپ و تران کرسا کرے ۔ داوخت آ گورنر بلوچستان ءِ گیس انا طلب و رسد نا بابت حوال تس و گیس انا فراوانی ٹی گچینی کن ہروڑ کوشست کننگ نا باوری کرفے ۔
