کوءٹہ ۔ 17جنوری (اے پی پی) گورنر بلوچستان امان اللہ خان یاسین زئی پارینے کہ ننا خصوصی چکار و شعوری جہد آن بولان یونیورسٹی آف میڈیکل اینڈ ہیلتھ سائنسز شونداری و سوگوی نا کنڈا ہنانے ہراٹی یونیورسٹی نا تعلیمی آب ءِ بڑز و جان جوڑچاگڑد نا فراوانی نا گمانک روشنا مننگ ءُ ۔ گورنر بلوچستان امان اللہ خان یاسین زئی پارے کہ بولان میڈیکل یونیورسٹی تون اوار اوارنن اونا غٹ استاد، ملازم و اسٹوڈنٹ آتے مون تروک مشکل آتیان نئے بیرہ بلد اُن اوفتا اوفتا ایسر کن کوشست ہم کننگ اُن ۔ داخیال آتا درشانی ءِ جمعہ نادے آ گورنر ہاءوس کوءٹہ ٹی بولان یونیورسٹی آف میڈیکل اینڈ ہیلتھ سائنسز نا ملازم و طالب علم آتیا تالان ڈل اسے تون گپ و تران کرسا کرے ۔ ڈل انا کماشی ءِ عبداللہ صافی کریکہ ۔ ڈل گورنر بلوچستان ءِ تینا غٹ مون تروک ویل و مشکل آتیان آگاہ کرے و تینا خواست آتے ہم گورنر نا مون آ پیش کرے ۔ گورنر اوفتا ویل آتے غور و چکار اٹ بِنگ و اوفتا ایسری کن ہر وڑنا کمک نا باوری کرفے ۔
