اسلام آباد ۔ 17 جنوری (اے پی پی) عوامی نیشنل پارٹی نا راہشون سینیٹر ستارہ ایاز پارینے کہ حکومت کبینی ءِ کنٹرول کننگ کن گام گیج کے، سندھ حکومت و بنجانا نیام اٹ بایدے بے چیٹی مف ۔ جمعہ نادے آ پارلیمنٹ نا پیشن میڈیا تون گپ وتران کرسا اوپارے کہ حکومت معاشی حالیت آتا گچینی و کبینی ءِ توننگ کن گچین اقتصادی ٹیم اس اتے تانکہ کبینی نادوتا خلوک السءِ گڑاس ریلیف ملنگ کے، کنوئی آ گڑاتا نہاد آتے ٹی ہردے ودکی ءِ توننگ کن ضلعی پرائس کنٹرول کمیٹیک تینا کڑدءِ ادا کیر و نہاد آتے ٹی ودکی ءِ توننگ کن مانیٹرنگ کننگے ۔ اوپارے کہ حکومت تینا خڑچ آتے ٹی کمتی اتے و گچین کاری تیٹی الس تون کروک آ وعدہ غاتے پورو کے ۔ اسہ سوج اسے نا ورندی ٹی اوپارے کہ سندھ حکومت و بنجا نا نیام اٹ آئی جی نا معاملہ غا بے چیٹی بایدے مف، بنجا و سندھ حکومت اواری اٹ تولسا داویل ءِ ایسر کیر ۔
