اسلام آباد ۔ 17 جنوری (اے پی پی) آزاد جموں و کشمیر نا محکمہ ڈیزاسٹر مینجمنٹ اتھارٹی و پاکستان نا فوج دامان نیلم اٹی برفانی کرودآتا تمنگ آن زہمی مروک آ علاقہ غاتے ٹی کمکی کارروائی تیٹی اختہ ءُ ۔ نجی ٹیلی ویژن چینل تون گپ وتران کرسا ڈائریکٹر آپریشن ایس ڈی ایم اے سعید قریشی پارے کہ دامان اٹی برجا پِر و برف آن زہمی علاقہ غاتے ٹی بچفنگ و امدادی کارروائیک جنگی بنداو تیا برجاءُ ۔ اوپارے کہ شکست آن دمدستی پد وزیراعظم عمران خان نا پارت آ نیشنل ڈیزاسٹر مینجمنٹ اتھارٹی (این ڈی ایم اے) و پاکستان نا فوج انا کمکی ٹیمک آزادجموں و کشمیر اٹی زہمی مروک آ بندغ آتا دمدستی کمک کن سرمسنو تانکہ اختہ مروک آ بندغ آتے زندہ کشنگ مرے و اوفتے جنگی بنداو تیا ضروری ءُ گڑا تننگے ۔ اومستی پارے کہ نن زہمی بندغ آتسکان کُننگ نا گڑا ، دوائی ، کمبل و باسن ءُ پچ ہیلی کاپٹر نا کمک اٹ سرکرینن ۔
