اسلام آباد ۔ 17جنوری (اے پی پی) بنجائی وزیر اقتصادی امور حماد اظہر پارینے کہ روپئی نا قدر اٹی کمتی نا سوب آن جی ڈی پی نا تناسب اٹ وام تا کچ اٹی ودکی مسنے، ڈیٹ لمیٹیشن ایکٹ نا رداٹ دا 60 درسد آن زیات بایدے مف، نسخان و وام تا ہلنگ اٹ و ریونیو ٹی ودکی آن جی ڈی پی نا تناسب اٹ بروک آ سال تیٹی وام تیٹی ہم کمتی بریک ۔ جمعہ نادے آ ایوان بالا ٹی وقفہ سوج آتے ٹی سینیٹر سراج الحق ، سینیٹر مشاہداللہ، جہانزیب جمالدینی و نعمان وزیر نا سوج آتا ورندی ٹی اوپارے کہ 2013ء ٹی جی ڈی پی نا تناسب اٹی وام تا شرح 63;46;8 درسد ئس و مسلم لیگ (ن) نا حکومت نا آخیریکو سال اٹی دا 72;46;1درسد ئسر ۔ اوپارے کہ جی ڈی پی نا شرح کم مرے و وام زیات ہلنگے تو ولدا جی ڈی پی نا تناسب اٹ وام تا شرح ٹی ہم ودکی مریک ۔ اوپارے کہ روپئی نا قدر اٹی کمتی نا سوب آن ہم جی ڈی پی نا تناسب اٹ وام تا شرح ودانے ۔ اوپارے کہ اخس کہ نسخان کم مریک، وام کم ہلوئی تمک و ریونیو ٹی ودکی مریک تو جی ڈی پی نا تناسب اٹ وام تا کچ اٹی ہم کمتی بریک، داڑکن المی ءِ کہ نن ریونیو نا وصولی ءِ ودفن و خڑچ آتے کم کین ۔ اوپارے کہ اولیکو سہ ماہی ٹی ننا پرائمری بیلنس سرپلس مسنے ۔ کرنٹ اکاءونٹ نسخان اٹی کمتی آن ہم جی ڈی پی نا تناسب اٹ وام تا کچ اٹی کمتی مریک ۔
