اسلام آباد ۔ 17 جنوری (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ بہادر خلقت نا ظلمت و جور انا برخلاف توارحق بڑز کننگ و اودے ہکل تننگ تاریخ نا مدام روشنا و یات گار ءُ بشخ اس مسنے، بھارتی مسلمان زالبول صحافی رعنا ایوب ہرا دلیری اٹ تینا کسبی فرض ءِ انجام تس، او ستاکڑزک ۔ جمعہ نادے آ تینا ٹویٹ اٹی وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارے کہ دلیر زالبول صحافی مودی نا فاشٹ ایجنڈا و بربریت ءِ پاش کرے، جیل اٹ بدل مروک آ مقبوضہ دامان اٹی انٹرنیٹ، موبائل فون، لینڈ لائن و میڈیا غا پابندی ءِ، داوڑاٹ اسہ صحافی اسے نا فرض ءِ پورو کننگ پروفیشنل ازم و جیرت نا عظیم ءُ مثال اسے ۔ اوپارے کہ رعنا ایوب مقبوضہ جموں و کشمیر اٹی غٹ آن جوان ءِ کہ دروغ انا پڑدہ ءِ پاش کرے، نیویارکر جریدہ ٹی شینک مروک آ سرحال ’’نریندر مودی نا بھارت اٹی خون و خاک‘‘ رانا ایوب نا لاءخی تا شاندار امناءِ ۔
