اسلام آباد ۔ 17 جنوری (اے پی پی) وزیراعظم عمران خان نا کماشی ٹی جمعہ نادے آ ہائیر ایجوکیشن کمیشن تون تعلقدار باندات آتیا سجفنگ کن دیوان اس اڈ ہلک ۔ وزیراعظم نا میڈیا آفس نا کنڈآن جاری بیان نارداٹ دیوان اٹی وزیر تعلیم و کسبی تربیت شفقت محمود، بنجائی وزیر ڈٹ بندی اسد عمر، وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان ، خصوصی کمکار امور نوجوانان عثمان ڈار ، خصوصی کمکار راجی رکھ و تخفیف نیزگاری ڈاکٹر ثانیہ نشتر، خصوصی کمکار جان جوڑی ڈاکٹر ظفر مرزا و تعلقدار کمامدارآک ساڑی ئسر ۔
