اسلام آباد ۔ 16 جنوری (اے پی پی) ترجمان درئی کارانی کارگس عائشہ فاروقی ءَ گوشت کہ پاکستان پڑ ءَ ایمنی ءُُ برجائی ءُُ کشاں چیل ءِ تہ ءَ کمی ءِ واستہ وتی کرد ءَ پیلو کنگ، سعودی عرب ءَ لس ماپی ءِ رد ءَ انوگ ءَ تاں 579پاکستانی کیز آں چہ یلو کنگ بوتگ انت ۔ پنچ شمبے ءِ روچ ءَ ھمک ھپتگی پریس بریفنگ ءِ ساھت ءَ ترجمان ءَ گوشت کہ سعودی عرب ءَ ولی زمانگ شہزاد محمد بن سلمان ءِ نیمگ ءَ گوستگیں سال ءَ جار جتگیں لس ماپی ءِ چیر دستی ءَ انوگ ءَ تاں 579پاکستانی آناں کیز ءَ چہ یلو کتگ وھدیکہ سزا آنی سر جم کنگ ءَ پد یا ایندگر ماپی ءِ چیر دستی ءَ گیش 1500 پاکستانی کیزی آناں ھم یلو کنگ بوتگ ۔ سعودی ولی زمانگ ءَ گوستگیں سال فروری ءَ ھواریں رنگ ءَ 2ہزار پاکستانی آناں کیز ءَ چہ یل کنگ ءِ جار جتگ ۔ ترجمان ءَ گوشت کہ سرج میں دگنیا ءَ 28ملک آنی تہ ءَ 10ہزار ءَ چہ گیش پاکستانی جیل ءَ بند انت ۔ ایشانی تہ ءَ نیمے کیزی آنی سر ءَ کریمنل ءُُ شپوکی ءِ الزام پر انت ۔ پاکستانی سفارتخانہ ءُُ کونسل خانہ آں گوستگیں لستیں سال آنی ساھت ءَ پاکستانی کیزی آنی کمک ءِ رد ءَ جتا جتائیں ملک آنی اندر ءَ چہ 13ہزار ءَ چہ گیش کونسل ءِ کمک پجارینتگ ۔ ترجمان ءَ یک جستے ءِ پسو ءَ گوشت کہ امریکی سفارتکار ایلس ویلس پاکستان ءِ تر ءُُ تاب ءَ کئیت ۔
