اسلام آباد ۔ 16جنوری (اے پی پی ) مزن وزیر عمران خانءَ گشتگ کہ پاکستان اقوام متحدہ ءِ سلامتی کونسلءِ نیمگءَ چہ جموں ء ُکشمیر ءِ جاورھالءِ یک رندے پد تپاسی کنگءِ سرءَ وشیءِ درشانی کنتء ُ کشمیری آنی اخلاقی، سیاسی ء ُ سفارتی ہمراہ داری ءَ برجم داریت ۔ پنچ شمبےءِ رچءَ وتی ٹویٹ ءَ آئیءَ گشتگ کہ جموں ء ُ کشمیر یک میاں اوستمانی ایجنڈاءِ ارزشتءَ سلامتی کونسل ءِ ایجنڈاءِ سرءَ است اِنت ۔ آئیءَ گشتگ کہ اقوام متحدہ ءِ سلامتی کونسل ءِ ہمگرنچیں تپاک نامہ ء ُ کشمیری اُلس ءِ لوٹء ُواہگانی ردءَ کشمیرءِ جیڑہ ءِ گیشء ُ گیواری وقتءِ حاسیں لوٹ اِت، ما کشمیری آنی اخلاقی، سیاسی ء ُ سفارتی ہمراہ داریءَ تاں ہما وہدءَ برجم داراں کہ تاں وہدے آیاناں وت واجہیءِ بنکی حق دیءگ نہ بیت ۔
