یک نیمگی کاروائیءَ پد سلامتی کونسل ءِ دومی دیوان پہ مے ھاترءَ سفارتی سوبمندی اِت
اسلام آباد ۔ 16جنور ی (اے پی پی ) مزن وزیرءِ ھاسیں کمک کار ڈاکٹر فردوس عاشق اعوانءَ گشتگ کہ پنچ ماہ آں سلامتی کونسل ءِ دومی دیوان میاں اوستمانی تک ءَ کشمیرءِ جیڑہ آنی پدرّی ءِ یک نمونگ اِت، کہ سلامتی کونسل ءِ ایجنڈاءِ تہءَ است اِنتء ُ ایشیءِ سرءَ چمشانک دیءگ المی اِنت، 5اگست ءِ بھارتی یک نیمگی گامگیجءَ چہ پد سلامتی کونسل ءِ دومی دیوان پہ مے ھاترءَ سفارتی سوبمندی اِت ۔ پنچ شمبے ءِ روچءَ وتی ٹویٹ ءَ آئیءَ گشتگ کہ مقبوضہ کشمیر ءِ اُلس ءِ جائز ، قانودی ء ُ جمہوری حق آنی توار دنیاء ِ درساں چہ مستریں فورمءَ اِشکونگ بوہگءَ اِنت، مے لوٹ ایش اِنت کہ میاں اوستمانی براتی گوں کشمیری آں وت واجہی حق ءِ دیءگءِ سوگندءَ پیلو بہ کنت ۔ آئیءَ گشتگ کہ مزن وزیر عمران خانءَ مزن دلی ء ُ بہادریءِ گوما کشمیری آنی کیسءَ را دیما بُرتگ کہ گوستءَ ایشیءِ ایچ وڑیں درور نیست، عمران خان ءِ سروکیءَ دری کارانی وزیر شاہ محمود قریشی ءِ کرد لکھ ستاہ کرزیت ۔ آئیءَ گشتگ کہ اقوام متحدی ءِ سیکرٹری جنرل ءِ خطہ ءَ کستء ُ کینگء ُ تکانسریءَ را کم کنگءَ پاکستانءِ کرد لکھ ستاہ کرزایت ۔
