اسلام آباد ۔ 16جنوری (اے پی پی) وزیراعظم عمران خان پارینے کہ پاکستان اقوام متحدہ نا سلامتی کونسل نا کنڈآن جموں و کشمیر نا حالیت آتا دُوارہ جاچ انا خیر مقدم ءِ کیک و اہل کشمیر نا اخلاقی ، سیاسی و سفارتی مخ تفی ءِ برجاتخک ۔ پنچ شنبے نادے آ تینا ٹویٹ اٹی اوپارے کہ جموں و کشمیر اسہ جہانی ءُ تنازع سے نا حیثیت اٹ سلامتی کونسل نا ایجنڈاغا ساڑی حالیت آتا نزاکت نا اعتراف و احساس نا درشانی ءِ ۔ اوپارے کہ اقوام متحدہ نا سلامتی کونسل نا تعلقدار قرارداد و کشمیری الس نا است خواہی تے مون آ تخسا کشمیر نا ویل ان ا ایسری نا تدبیر وخت انا اہم ءُ خواست اسے، نن اہل کشمیر نا اخلاقی ، سیاسی و سفارتی مخ تفی ءِ ہمو وخت اسکان برجاتخنہ ہراوخت اسکان اوفتے اوفتا بنداوی حق خودارادیت ملیپک ۔
