نیویارک ۔ 16جنوری (اے پی پی) وزیر خارجہ مخدوم شاہ محمود قریشی پارینے کہ کودک کشمیری تے ظلم و بربریت نا شست کننگ انگ ءِ ، اقوام متحدہ و جہانی برادری کودک کشمیری تے بھارتی ظلم و جور آن نجات ترفنگ کن بھرمی گام گیج کے، داخیال آتا درشانی ءِ او اقوام متحدہ ٹی حوال تننگ نا وخت آ کرے ۔ مقبوضہ جموں و کشمیر اٹی ودی مروک ممکنہ انسانی المیہ نا کنڈا چکار کرفسا وزیر خارجہ پارے کہ میڈیا غا پورو پابندی و مواصلات نا بلیک آءوٹ نا کمک اٹ راستکی تے دنیا نا خن تیان اودیم تخنگ نا کوشست کننگ انگ ءِ ۔ دے ٹکی نیامی ٹی برجا بے چیٹی تا بابت وزیر خارجہ پارے کہ ڈیہہ پوسکن آ جنگ ءِ سگنگ کپک وخت اس کہ پاکستان دے ٹکی نیامی نا تنکی ٹی فریق مفک ۔ اوپارے کہ ڈیہہ ٹی برجا بے چیٹی تیا سفارتکاری ءِ بایدے موقع اس تننگے ۔ وزیر خارجہ نا پاننگ ئس کہ ڈیہہ ٹی امن کن پاکستان تینا متحرک و مثبت کڑد ءِ ادا کننگ کن پرعزم ءِ ۔ داوخت آ وزیر خارجہ دے ٹکی نیامی ٹی بے چیٹی تے کم کننگ کن پاکستان نا کنڈآن کروک آ کوشست آتیان ہم معلومدار کرے ۔
