بقدر ۔ 16جنوری (اے پی پی) بنجائی وزیر داخلہ اعجاز احمد شاہ پارینے کہ پاکستان رکھوک دوتیٹی ءِ، فرنٹیئر کانسٹبلری نابہادر ورناک کچ اٹنگا وسیلہ غاتیان پد ہم کاٹم آ کفن تفسا وطن عزیز نا دفاع ءِ کننگ ءُ، خراب انگا نظر اٹ ہروک آ دشمن تے بوز اٹ کنوئی تمک، فرنٹیئر کانسٹیبلری ٹی اصلاحات آتا سوب گچین بھرم دوئی مننگ ءِ ۔ داخیال آتا درشانی ءِ او چارشنبے نادے آ فرنٹیئر ٹریننگ اسکول اٹی پاسنگ آءوٹ پریڈ نا دود آن تران کرسا کرے ۔ بنجائی وزیر داخلہ پارے کہ فرنٹیئر کانسٹیبلری کچ اٹنگا وسیلہ غاتے ٹی ملک انا دفاع کن بھلو خذمت اس انجام تننگ ءِ ۔ ایف سی نا تنخواہ، پنشن، سوئی گیس، بجلی و ایلو ایسر نا چاری ویل آتے بروک آ مالی سال اٹی ایسر کننگ کن پبی کوشست کننگک ۔ اوپارے کہ ورناتا بہادری ءِ خنسا پورو یخین ءِ کہ پاکستان رکھوک آ دوتیٹی ءِ ۔ فرنٹیئر کانسٹیبلری نا بہادر ورناک کاٹم تیا کفن تفسا وطن عزیز نا دفاع ءِ کننگ ءُ ۔ خراب انگا نظر اٹ ہروک آ دشمن تے بو ز اٹ کنوئی تمک ۔ اوپارے کہ فرنٹیئر کانسٹیبلری ٹی اصلاحات آتا سوب گچین بھرم دوئی مننگ ءِ ۔ داٹی ہچ ءُ شک اس اف کہ ایف سی نا ورناک نظم و ضبط انا بڑزکو قدر ءِ برقرار تخسا فقید المثل جیرت نا درشانی ءِ کننگ ءُ ۔ بنجائی وزیر پارے کہ وطن عزیز نا دفاع و فرض منصبی پورو کننگ اٹ ایف سی نا 365آفیسر وورنا شہیدی نا جام ءِ نوش کریر ۔ کسبی چاہنداری و پوسکن آ خواست آتون ہم گرنچ ٹریننگ ءِ پورو کننگ آ ورناک و ایف سی آفیسر آتے مبارکباد پیش کیوہ ۔ اوپارے کہ 1913ء آن ہلیس داسکان فرنٹیئر کانسٹیبلری نا ورناک ملک و قوم انا ناموس نا خاطر جان تا نذرانہ پیش کننگ ءُ ۔
