اسلام آباد ۔ 16جنوری (اے پی پی) قومی احتساب بیورو (نیب) انا چیئرمین جسٹس (ر) جاوید اقبال پارینے کہ نیب انا ایمان کرپشن فری پاکستان ءِ، غیر کانودی ہاءوسنگ سوساءٹی ;223;کوآپریٹو سوساءٹی تیان قوم انا پلوک آ پیسہ غاتا پدی اتنگ کن کانود نا رداٹ گام گیج کننگ انگ ءِ ۔ داخیال آتا درشانی ءِ او نیب ہیڈ کوارٹر ز اٹی نیب ایگزیکٹو بورڈ انا دیوان نا کماشی ءِ کرسا کرے ۔ دیوان اٹی ڈپٹی چیئرمین نیب، پراسیکیوٹر جنرل اکاءونٹیبیلیٹی ، ڈی جی نیب آپریشن ڈویژن و ایلو بڑزکو کمامدارآک ساڑی ئسر ۔ دیوان اٹی وڈی خوری نا چندی ریفرنس، انویسٹی گیشن و انکوائری تا منظوری ءِ تننگا ۔ چیئرمین نیب پارے کہ میگا کرپشن نا مقدمہ غاتے ایسر اسکان سرکننگ نیب انا اولیت ءِ ۔ نیب تدوک آ 28 تُو اٹی 630 مقدمہ غاتے ٹی وڈی خوری نا ریفرنس چندی احتساب عدالت آتے ٹی دائر کرینے ۔ نیب انا داوخت آ 1275وڈی خوری نا ریفرنس ملک انا 25جتا احتساب عدالت آتے ٹی زیر سماعت ءُ ہرافتا مالیت کم و ود 943 ارب روپئی ءِ ۔ اوپارے کہ نیب تدوک آ 28 تُو اٹی 158 ارب روپئی بالواسطہ و بلا واسطہ وڑاٹ وڈی خور زموار آتیان دوئی کرسا قومی خزانہ ٹی جمع کرفینے ۔
