اسلام آباد ۔ 16جنوری (اے پی پی) وزیراعظم نا خصوصی کمکار قومی جان جوڑی ڈاکٹر ظفر مرزا پارینے کہ وزیراعظم عمران خان نا کماشی ٹی پولیو نا چٹفنگ کن پرعزم اُن، فیس بک نا کمک اٹ نن بھاز زوت پاکستان ءِ پولیو آن پاک ملک اس کینہ ، جان جوڑی نا بشخ اٹی مون تروک چیلنج آتون مون تننگ کن فیس بک آن فائدہ ہرفنگ انگ ءِ ۔ داخیال آتا درشانی ءِ او پنچ شنبے نادے آ فیس بک نا ریجنل ڈائریکٹر پبلک پالیسی رافیل فرانکیل تون اوڑدہی ٹی گپ و تران کرسا کرے ۔ خصوصی کمکار پارے کہ وزیراعظم عمران خان نا کماشی ٹی پولیو نا چٹفنگ کن پرعزم اُن ۔ فیس بک نا جاری کمکاری آن نن بھاز زوت پاکستان ءِ پولیو آن پاک ملک اس کینہ ۔ اوپارے کہ جان جوڑی نا بشخ اٹی مون تروک چیلنج آتون مون تننگ کن فیس بک آن فائدہ ہرفنگ انگ ءِ ۔ ڈاکٹر ظفر مرزا فیس بک آ منفی مواد ءِ بلاک کننگ و کمکاری نا ستاءِ کرینے ۔ اوپارے کہ سال 2019ء ٹی سوشل میڈیا غا منفی پروپیگنڈا انسداد پولیو پروگرام ءِ بھاز زیات نسخان رسینگا ۔ اوڑدہی ٹی فیس بک نا ریجنل ڈائریکٹر پبلک پالیسی رافیل فرانکیل پارے کہ پاکستان آن پولیو نا چٹفنگ کن فیس بک انٹرنیشل نا کمکاری برجاسلک ۔ حکومت پاکستان نا کوشست آک پولیو نا چٹفنگ نا گچین ثابت مننگ ءُ ۔ اوپارے کہ پولیو ءِ ماس آن چٹفنگ کن فیس بک انٹرنیشنل تینا کمکاری ءِ برجاتخک ۔ داکان مست فیس بک نا بڑزکو کہولی ڈل پاکستان انسداد پولیو پروگرام نا ہم دورہ ءِ کرے ۔
