اسلام آباد ۔ 16جنوری (اے پی پی) بنجائی وزیر تعلیم و کسبی تربیت شفقت محمود پارینے کہ بنجائی وزارت تعلیم و کسبی تربیت نا کنڈآن 7 کروڑ 60 لکھ روپئی نا زرآن فن و دودوربیدہ نا اسکالر شپ پروگرام اس اینو جاری کننگ انگ ءِ ۔ پنچ شنبے نادے آ نیشنل اینڈ وومنٹ اسکالر شپ نا دود آن تران کرسا او پارے کہ پاکستانی طالب علم آتے ٹی بے شمار لاءخی ارے ہرافتے جوان ءُ وارخواہی اس فراوان کننگ کن ساڑی حکومت گام گیج کننگ ءِ، اوپارے کہ وزیراعظم عمران خان نا ویژن نا رداٹ آرٹ اینڈ کلچر نا مون آ دننگ کن اسکالر شپ پروگرام عملی ءُ گام اسے ۔ دا اسکالر شپ پروگرام ہندن ءُ دُن کہ ایچ ای سی یا ایلو ادارہ غاک حقدار و قابل بندغ آتے بڑزکو تعلیم ءِ برجا تخنگ کن اسکالر شپ ایترہ نن آرٹ اینڈ کلچر تون وابستہ طالب علم آتے اولیکو وار باضابطہ اسکالر شپ اس تننگ کن گام گیج کرینن ۔ اوپارے کہ احساس پروگرام نا رداٹ 5 ارب روپئی پنجا ہزار طالب علم آتے کن جتا کننگا، نن آرٹ اینڈ کلچر نا 400 طالب علم آتے اسکالرشپ تننگ اُن ہراداسہ بناءِ، دانا رداٹ 45ہزار ماہانہ کٹیا کروک بندغ آتا چناتے اسکالر شپ تننگک ۔ اوپارے کہ وخت اتون اوار اوار دا پروگرام اٹی پین گچینی اتنگک ۔
