اسلام آباد ۔ 16جنوری (اے پی پی) محکمہ موسمیات نا رداٹ بروک آ 24گھنٹہ ٹی ملک انا گیشتر علاقہ غاتے ٹی موسم یخ و خشک وخت اس کہ قطبی علاقہ و قطبی بلوچستان نا ضلع غاتے ٹی بھاز یخ مریک، گلگت بلتستان ، کشمیر و اونا ایب وکیب انا مشی آ علاقہ غاتا ضلع غاتے ٹی جمبری مننگ تون گڑاس ہند آتیا پِر و برف انا گمان ءِ ولے پنجاب نا گڑاس میدانی علاقہ غاتے ٹی نن نا وخت آتیا گوتلو تمنگ نا ہم گمان ارے ۔ رپورٹ نار داٹ تدوک آ 24گھنٹہ ٹی ملک انا گیشتر علاقہ غاتے ٹی موسم خشک و یخ ئس ولے سکردو ٹی 11ملی میٹر پِر ریکارڈ کننگا و داوخت آ سکردو ٹی درجہ حرارت منفی 11 ڈگری وخت اس کہ استوراٹی 2انچ برف ریکارڈ کننگانے ۔ پنچ شنبے نادے آ ریکارڈ کروک آ کم آن کم درجہ حرارت نا رپورٹ نا رداٹ کالام، گوپس اٹی درجہ حرارت منفی 13 ڈگری ، بگروٹ منفی 11، استور ، چترال ، پاراچنار منفی 10، کوءٹہ منفی 9 ، قلات ، سکردو منفی 7، گلگت ، دیر منفی 6، دالبندین منفی 5 ، راولاکوٹ ، مالم جبہ منفی 4، دروش و ژوب اٹی منفی 3 ڈگری سینٹی گریڈ ریکارڈ کننگانے ۔
