کوءٹہ ۔ 16جنوری (اے پی پی) بلوچستان انجینئر ز ایسوسی ایشن نا چیئرمین انجینئر عادل نصیر پارینے کہ ساڑی آ برف و پِر تیان زہمی شاہراہ تا بحالی و امدادی کاریم تیٹی وزیراعلیٰ بلوچستان نا پارت آ سیکرٹری سی اینڈ ڈبلیو نور الامین مینگل نا کماشی ٹی سی اینڈ ڈبلیو نا انجینئرز کچ اٹنگا وسیلہ غاتیان پد ہم دے و نن تینا خذمت آتے سرانجام تسنو و سیکرٹری سی اینڈ ڈبلیو بذات خود غٹ بحالی کاریم تا چاروکی ءِ کرسا کرے ۔ وزیراعلیٰ بلوچستان جام کمال خان پی ڈی ایم اے نا ملازم آتیانبار انجینئر آتے کن ہم ودکی تنخواہ نا پڑو ءِ کرسا اوفتا است بڈی ءِ کے ۔ اوپارے کہ ساڑی آ برف و پِر تیان پد کوءٹہ، لکپاس، بلیلی، خانوزئی ، زیارت، کان مہتر زئی، ژوب، قلعہ سیف اللہ ، کوژک ٹاپ، کولپور، دشت، مچھ و ایلو علاقہ غاتے ٹی بند سیکرٹری سی اینڈ ڈبلیو نور الامین مینگل نا کماشی ٹی چیف انجینئر علی احمد مینگل ، چیف انجینئر ملک رشید بنگلزئی، ایس ای انجینئر میر احمد مینگل، ایس ای انجینئر اقبال کاسی، ایس ای انجینئر سعید اللہ کاکڑ، ایس ای انجینئر اسماعیل مینگل، ایگزیکٹو انجینئر مستونگ انجینئر ملک عرض محمد، ایگزیکٹو انجینئر پشین انجینئر عزیز اللہ کاسی، قلعہ عبداللہ ایگزیکٹو انجینئر انجینئر علی حسن بلوچ، ایگزیکٹو انجینئر نوشکی انجینئر رحیم، ایگزیکٹو انجینئر ژوب انجینئر فاروق لونی، ایگزیکٹو انجینئر زیارت عصمت اللہ ، ایگزیکٹو انجینئر انجینئر صنم زیب، ایگزیکٹو انجینئر قلعہ سیف اللہ ، ہرنائی ، بولان اینڈ ڈبلیو و ایلو محکمہ غاتا ایلو انجینئر ز و عملہ تون اواری اٹ کچ اٹنگا وسیلہ غاتے ٹی مرسا بند شاہراہ تے ملنگ کن دے و نن خواری کریر ہرانا سوب قومی شاہراہ و لنک روڈ آ ٹریفک نا روانی ممکن مس ۔ انجینئر عادل نصیر پارے کہ محکمہ سی اینڈ ڈبلیو نا انجینئرز و ایلو عملہ یخ و موسم نا پرواہ ءِ کننگ آن بیدس و ہیوی مشینری مفننگ آن پد ہم بند شاہراہ تے ملنگ کن کاریم کریر و برف اٹی اختہ خلقت ءِ رکھوک ہند آتسکان مون تسر ہرا ستاکڑزک ۔ اوپارے کہ صوبائی وزیر پی ڈی ایم اے میر ضیاء لانگو پی ڈی ایم اے نا ملازم آتے کن اسہ تُو انا ودکی تنخواہ تا پڑو ءِ کرسا اوفتا است بڈی ءِ کرینے نن وزیراعلیٰ بلوچستان جام کمال خان، صوبائی وزیر سی اینڈ ڈبلیو و سیکرٹری سی اینڈ ڈبلیو آن خواست کینہ کہ او سی اینڈ ڈبلیو و ایلو محکمہ غاتا انجینئر آتے کن ہم اسہ تُو انا ودکی تنخواہ تا پڑو ءِ کرسا اوفتا است بڈی ءِ کیر ۔ انجینئر عادل نصیر سی اینڈ ڈبلیو ، بی ڈی اے و این ایچ اے نا انجینئر آتا بحالی نا کمکاری کاریم تیٹی زیات آن زیات بشخ ہلنگ نا کوشست آتا ستاءِ کرے ۔
