راولپنڈی ۔ 15 جنوری (اے پی پی) پاک اُرد ءِ شوبگ (آئی ایس پی آر) ءَ گوشت کہ گلگت بلتستان ءَ لینڈ سلائینڈنگ ءُُ آزات جموں کشمیر ءِ نیلم ءِ دمگ ءُُ بلوچستا ءَ برپ باری ءَ چہ آماچیں مردم آنی ریلیف ءُُ ریسکیو آپریشن جاڑی انت ۔ چار شمبے ءَ آئی ایس پی آر ءِ رد ءَ آرمی ہیلی کاپٹر آنی وسیلگ ءَ آماچیں آباتی آناں تمبو، راشن تیاریں ورگ ءُُ دوا ءُُ درمان بھر ءُُ بانگ کنگ بوتگ ۔ فرنٹیئر ورکس آرگنائزیشن (ایف ڈبلیو او) ءُُ سول انتظمایہ ءَ ھوار فوجی ورنا یکجائیں آپریشن ءَ بھر زوری کنگ ءَ انت ۔ گوستگیں 36کلاک آنی تہ ءَ قراقرم ہائی وے ءُُ پتن ءِ نزیک، جگلوٹ سکردو روڈ، مٹہ بندہ، شتیال، تتہ پانی، ہنزہ، سوست، مرخون، خنجراب ءُُ دمبوداس ءِ سڑک آناں پچ کنگ بوت ۔ بلوچستان ءَ این 50، این 25 ءُُ لک پاس ٹنل ءَ را پچ کنگ بوتگ ۔ شاہراہ قراقرم ءِ سر ءَ ٹریفک ءِ روگ ءُُ آیگ ءَ را دل یکیمی جوڑ کنگ ءِ واستہ ھاسیں ٹیمب شنگ ءُُ تالان کنگ بوتگ ۔ ایشی ءَ ابید آماچیں ھاندان آناں کمکی سامان ھم بھر ءُُ بانگ کنگ بوتگ ۔
