اسلام آباد۔ 15جنوری (اے پی پی) وزیراعظم نا خصوصی کمکار جان جوڑی ڈاکٹر ظفر مرزا پارینے کہ بنجائی کابینہ وزارت جان جوڑی نا تنظیم نو نا منظوری ءِ تسنے، وزارت نیشنل ہیلتھ سروسز ریگولیشن اینڈ کوآرڈینیشن نا پن ءِ بدل کننگ نا اصولی فیصلہ کرینے، داسہ وزارت نا پن منسٹری آف ہیلتھ اینڈ پاپولیشن مریک۔ وزارت جان جوڑی نا کنڈآن جاری بیان اٹی خصوصی کمکار پارے کہ جان جوڑی نا بشخ اٹی اصلاحات برجاءِ و وزارت اٹی ٹیکنیکل و انتظامی عہدہ غاتے ٹی بے بریبری ئس، 80 درسد انتظامی وڑنا عہدہ ئسر وخت اس کہ 20 درسد تکنیکی وڑنا ئسر۔ ڈاکٹر ظفرمرزا پارے کہ 80درسد نا تربیت یافتہ ودرکار لائخی تخوک چاہندار آتا کمتی ئس۔ اوپارے کہ ٹیکنیکل عملہ کن ہچ ءُ سروس کیریئر اس الوکہ، کابینہ سول سروس نا ایلو پڑک آتا وڑاٹ قومی ہیلتھ سروس پڑک نا جوڑ کننگ نا منظوری ءِ ہم تس۔
