اسلام آباد۔ 15جنوری (اے پی پی) بنجائی وزیر ڈٹ بندی، شونداری و اصلاحات و خصوصی گام گیج اسد عمر پارینے کہ اینخو نا سال اٹی قومی زرگزران گچین مریک و کبینی ٹی کمتی مریک۔ اسہ نجی نیوز چینل اسے تون گپ و تران کرسا اوپارے کہ حکومت شرح سود انا کمتی کن گام گیج کننگ ءِ و سرکاری و نجی بشخ آتا نیام اٹ کمکاری نا کمک اٹ زرکاری ٹی ودکی کیک۔ اوپارے کہ بنجائی حکومت نجی بشخ انا کمک اٹ کراچی ٹی بھلا ڈٹ آتا بناءِ کیک۔ اوپارے کہ حکومت کراچی نا الس ءِ سیاسی جماعت آتا کمک اٹ بے پرخ آسراتی فراوان کیک۔ اسد عمر باوری کرفے کہ بنجائی حکومت صوبہ ٹی شونداری ڈٹ آتے کن سندھ حکومت ءِ پورو کمک فراوان کننگ کن تیار ءِ۔
