اسلام آباد ۔ 15جنوری (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان آزاد کشمیر و بلوچستان اٹی برف آن شکست آتے ٹی مروک آ مرک آتیا بے حد ڈکھ و غم نا درشانیءِ کرسا پارینے کہ زہمی خاہوت آتا کمک کن غٹ وسیلہ غاتے کاریم اٹ اتینہ ۔ چارشنبے نادے آ تینا ٹویٹ اٹی اوپارے کہ وزیراعظم عمران خان آزاد جموں و کشمیر اٹی برفانی کرود نا تمنگ آن پد حالیت آتا نوٹس ءِ ہلسا دمدستی کمکی گام گیج نا پارت کرینے ۔ وزیر اعظم تعلقدار ادارہ غاتے ہلہلہ ئی بنداو تیا مشکل آتا پلویڑ اٹ شاری و زہمی تا پبی کمک نا پرمان کرینے ۔ وزیراعظم زہمی بندغ آتے رکھوک ہند آتیا گدریفنگ تون اوار ٹھپی تا پبی درمان کن پارت کرینے ۔ ڈاکٹر فردوس عاشق اعوان پارے کہ آزاد جموں و کشمیر حکومت و تعلقدار محکمہ غاتا شریداری اٹ زہمی خاہوت و شاری تا کمک کن غٹ وسیلہ و لاءخی تے کاریم اٹ اتینہ ۔
