مزن وزیر عمران خان ءِ وادی نیلم ءَ برپ ءِ بار ءِ چیر ءَ بوھوکیں مردم آنی گوما یکوئی ءِ درشان ءِ واستہ مظفر آباد ءِ تر ءُُ تاب ، سی ایم ایچ ءَ ٹپیگ آنی ھال پرسی ءِ کت ءُُ دوا ءُُ درمان ءِ ھوالگ ءَ جست ءُُ پرس گپت

چیف سیکرٹری آزات جموں کشمیر ءُُ کور کمانڈر راولپنڈی ءَ انوگیں زوتیں بوتگیں برپ ءِ بار ءِ چیر ءَ چیر ترگ ءِ ھوالگ ءَ تاوان آنی ھوالگ ءَ سرپد ی گپت

اسلام آباد ۔ 15 جنوری (اے پی پی) مزن وزیر عمران خان ءَ وادی نیلم ءَ برپ ءِ بار ءِ چیر تروکیں مردم آناں گوما یکوئی ءِ واستہ چار شمبے ءَ آزات کشمیر ءِ دارالحکومت مظفر آباد ءِ تر ءُُ تاب کت ۔ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءَ را نیلم سٹیڈیم ءَ چی سیکرٹری آزات جموں کشمیر ءُُ کور کمانڈر روالپنڈی ءَ استیں برپ باری ءُُ توپان ءَ چہ جانی تاوان ءِ ھوالگ ءَ سرپد کت ۔ آئی ءَ مزن وزیر ءَ را کمکی ءُُ برجائی چست ءُُ ایر آنی ھوالگ ءَ سرج میں بریفنگ ھم دات ۔ ایشی ءَ چہ پد مزن وزیر ءَ عمران خان ءَ سی ایم ایچ مظفر آباد ءَ ٹپیگ آنی ھال پرسی کت ءُُ آئی ءِ دوا ءُُ درمان ءِ ھوالگ ءَ جست ءُُ پرس گپت ۔ صدر آزات کشمیر سردار مسعود خان ، مزن وزیر راجہ فاروق حیدر ءُُ بنجاھی وزیر کشمیری کار ءُ گلگت بلتستان علی امین گنڈاپور ھوار اتنت سول ءُُ اردی کارندہ ھم مزن وزیر ءِ ھمبراھ اتنت ۔