راولپنڈی ۔ 14جنوری (اے پی پی) پاک فوج ءِ سروک جنرل قمر جاوید باجوہ ء َ گشتگ کہ پاکستان خطہ ءَ امنء ُ ایمنی ءِ حاسیں شریدار اِنت، پاکستان راجی سلامتی ء ُ دیمپانی ءِ سرءَ ایچ منء ُ گر نہ کنتء ُ وتی زمہ واری ءَ پیلو کنت ۔ آ کورکمانڈر کانفرنسءَ گوں تران کنگءَ بوتگ ۔ پاک فوج ءِ تعلقداری پڑ( آئی ایس پی آر ءِ گشگءِ ردءَ پاک فوج ءِ سروک جنرل قمر جاوید باجوہ ءِ سروکی ءَ 228می کورکمانڈر کانفرنس سے شمبے ءِ روچءَ جی ایچ کیو راولپنڈی ءَ بوتگ ۔ فورم ءَ جیوسٹریٹجگ ، دمگی ء ُ راجی سلامتی جاورھال ، تہی سلامتی جاورھال ء ُ سیمسری گِرء ُداری لائن ءِ جاورھال ء ُ بھارتی مقبوضہ کشمیر ءِ جاورھالءِ تپاسی کتگ ۔ فورم ءَ امریکہ ایران کستء ُکینگ ء ُ جنگ ء ُ جُڈ ءِ آ سرءَ مٹ بوتگیں سلامتی ءِ جاورھال ء ُ آئیءِ دمگی امنء ُ ایمنی ءِ سرءَ اَثرآنی ہم تپاسی کتگ ۔ کورکمانڈر کانفرنس ءَ بھارتی فوجی سروک ءِ غیر زمہ واریں گوشتانکءِ سرءَ نوٹس زُرتگ ۔ پاک فوج ءِ سروک جنرل قمر جاوید باجوہ ءَ کورکمانڈر کانفرنس ءَ گوں تران کتگء ُگشتگ کہ پاکستان خطہءِ تہءَ امنء ُایمنی ءِ حاسیں شریدار اِنت، پاکستان خطہ ءِ تہءَ پہ امنء ُایمنیء ُ سلامتیءِ ھاترءَ وتی کردءَ پیلو کنت ۔
