کوءٹہ ۔ 14جنوری (اے پی پی) بلوچستانءِ سروزیر جام کمال خان ءَ مسلم باغ کان مہتر زئی شاہ دگ ءِ سرءَ ریسکیو آپریشن ءِ سوبمندی ءَ گوں سرجم بوہگءِ سرءَ وشی ءِ درشانی کتگء ُ آپریشن ءَ بھر زوروکیں ریسکیو ٹیم آناں مراد باد داتگ، سے شمبے ءِ روچءَ سروزیرءِ جارچین ءِ شنگ کتگیں بیانءِ ردءَ بلوچستانءِ سروزیر جام کمال خانءَ ڈائریکٹر جنرل پی ڈی ایم اے ء ُ آئیءِ ٹیم ، ژوب ءِ کمشنر، لورالائی ءِ ڈی سی ، قلعہ سیف اللہ ، پشین لیویز فورس ء ُ ایف سی ءَ را گہتریں کرد پیش دارگءَ مراد بات داتگ ء ُ گشتگ کہ ریسکیو ٹیم آں جرات ء ُ بہادریءَ گوں اے گرانیں آپریشن گوں سوبمندیءَ سرجم کتگ ۔ آئیءَ گشتگ کہ ریسکیو ٹیم آں وتی جانانی پرواہ نہ کتگء ُ دگہ مردمانی جان رکھینتگ اَنت ۔ بلوچستانءِ سروزیر جام کمال خان ضلع قلعہ سیف اللہ ءِ دمگ مسلم باغ ء ُ کان مہترزئی ءَ جاری ریسکیو آپریشن ءِ ہوالگءَ ژوب ءِ کمشنر سہیل الرحمن بلوچء ُ ڈائریکٹر جنرل پی ڈی ایم اے عمران زرکونءَ گوں یکوئیءَ رابطے ءِ تہءَ بوتگ ء ُ ریسکیو آپریشن ءِ سوبمندی ءِ سرءَ سدکّیءِ درشانی کتگء ُ آپریشن ءَ بھر زوروکیں ٹیم آنی کردءَ را ساڑاتگ ۔
