اسلام ;200;باد ۔ 14 جنوری (اے پی پی) صدر مملکت ڈاکٹر عارف علوی ءَ گوشت کہ صدارتی کارگس ءَ بنجاھی محتسبین آنی پیسلہ آنی ھلاپ ءَ اپیل یک روچے ءِ اندر ءَ گوشداری کنگ بوتگ اَنت، سرکاری محکمہ آنی ھلاپ ءَ شکاست آناں ابید دگہ پینگ ءُُ زوت پیسلہ ءِ واستہ محتسب آنی ادارگ سرج میں رنگ ءَ برجا انت، الس محکمہ آنی تہ ءَ استیں جیڈھ آنی گیواری ءِ واستہ محتسبین آنی کرا رونت چیا کہ آوانی گوشداری ھما محکمہ ءَ الکاپیں رنگ ءَ کنگ نہ بوتگ پمشکہ آنی محتسب ءِ ادارگ ءَ کاینت ، جیڈھ آنی گیواری ءِ پڑ ءَ آوانی مزنیں دلبڈی یے بیت ۔ کیسز آنی ھوالگ ءَ وتی یک ویڈیو کلوہ ئے تہ ءَ صدر ءِ مملکت ءَ گوشت کہ صدارتی کارگس ءِ چیر دستی ءَ پنچ اے رنگیں ادارگ است آوانی تہ ءَ ھما رمردم آنی جیڈھ ترندی ءَ گوں پیسلہ کنگ بنت، اے ادارگ بنجاھی محتسب ءِ ادارگ ایشانی تہ ءَ بنجاھی محتسب، ٹیکس محتسب، انشورنس محتسب، بنکنگ محتسب ءُُ زالبول آنی ھلاپ ءَ اراسمنٹ ءِ گر ءُُ دار ءِ محتسب ءِ ادارگ ھوار انت ۔ آئی ءَ گوشت کہ اے ادارگ آنی تہ ءَ شکاست ءِ واستہ اچ رنگیں وکیل ءِ ضلورت نہ انت، اے ادارگ آماچیں مردم آنی وت کمک ءَ کن انت ۔
