اسلام آباد ۔ 14 جنوری (اے پی پی) مزن وزیر ءِ مشیر برائے ھزانگی کار ڈاکٹر عبدالحفیظ شیخ ءَ گوشت کہ حکومتی کوشست آں چہ معیشت برجائی ءِ کشک ءَ رھادگ بوتگ ءُُ معیشت ءِ تہ ءَ گہتری ءَ چہ آیوکیں روچ ءَ ’’افراط ءِ زر‘‘ ءَ را جھل ءَ آرگ ءُُ گران بھائی ءَ را گر ء دار کنگ ءَ کمک رسیت ۔ آئی ءَ اے گپ پاکستان ءَ فرانس ءِ سفیر ڈاکٹر مارک بریٹی ءَ گوں گند ءُُ نند ءَ تران کنگ ءِ ساھت ءَ کت ۔ گند ءُُ نند ءِ ساھت ءَ دوئیں ملک آنی نیام ءَ وت مہ وتی یکوئی آناں گیش دیمروئی ءُُ پاکستان ءَ فرانسیسی سرمایہ کاری ءَ گیشی ءِ واستہ جتا جتائیں شور ءُُ سلاھ کنگ بوت ۔ مشیر ءِ ھزانگ ڈاکٹر عبدالحفیظ شیخ ءَ فرانسیی سفیر ءَ را پاکستانی معیشت ءِ جتا جتائیں شوبگ آنی تہ ءَ کتگیں گہتری کار ءُُ ایشانی جوانیں آسر آنی بابت ءَ سرپد کت ۔ آئی ءَ گوشت کہ حکومتی کوشست آں چہ معیشت برجائی ءِ کشک ءَ رھادگ بوتگ ۔ معیشت ءَ گہتری ءَ چہ آیوکیں روچ ءَ افراط ءِ زر ءَ را گر ءُُ دار ءُُ گران بھائی ءَ را ھم گر ءُُ دار کنگ ءَ کمک رسیت ۔ آئی ءَ گوشت کہ حکومت ءَ چاگردی شوبگ آنی واستہ گیشینتگیں بجٹ آناں دو سرئی کتگ ۔
